2016-11-12 12:27:35, 2289 ნახვა
მსოფლიო
იუნკერი ტრამპზე: უნდა ვასწავლოთ არჩეულ პრეზიდენტს, რას წარმოადგენს ევროპა და როგორ მუშაობს ის
ევროკომისიის თავმჯდომარის, ჟან-კლოდ იუნკერის განცხადებით, ამერიკის შეერთებული შტატების პრეზიდენტად დონალდ ტრამპის არჩევა აშშ-ევროკავშირის ურთიერთობებს საფრთხეს უქმნის.
ამის შესახებ იუნკერმა ლუქსემბურგში, სტუდენტების წინაშე სიტყვით გამოსვლისას განაცხადა.
"ჩვენ უნდა ვასწავლოთ არჩეულ პრეზიდენტს, რას წარმოადგენს ევროპა სინამდვილეში და როგორ მუშაობს ის. მან კითხვის ნიშნის ქვეშ დააყენა ტრანსატლანტიკური ალიანსი, რაც საკმაოდ საზიანოა, რადგან ამ გზით მან ეჭქვეშ დააყენა ევროპის თავდაცვის მოდელი. ვფიქრობ, ორ წელს დავხარჯავთ, ვიდრე ბატონი ტრამპი მსოფლიოს იმ ნაწილს გაიცნობს, რომელსაც არ იცნობს“, - განაცხადა ჟან-კლოდ იუნკერმა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
