სახალხო დამცველი: ზვარეში მომხდარ ფაქტზე გამოძიების მიმდინარეობას თვალყურს ვადევნებთ

2016-11-04 11:52:43, 1427 ნახვა

სამართალი

საქართველოს სახალხო დამცველი უჩა ნანუაშვილი სოფელ ზვარეში მომხდარ ფაქტს ეხმაურება. როგორც მან ჟურნალისტებს განუცხადა, ამ ეტაპზე ინციდენტის შესახებ რაიმე დეტალური ინფორმაცია არ გააჩნიათ, თუმცა, ომბუდსმენის აპარატი მაქსიმალურად ცდილობს, პროცესში ჩართული ყველა მხარისგან მიიღოს ინფორმაცია:

„გამოძიება მიმდინარეობს, რამდენიმე ადამიანიც არის დაკავებული და გამოძიების მიმდინარეობას თვალყურს ვადევნებთ“,-აღნიშნა უჩა ნანუაშვილმა.

შეგახსენებთ, ხარაგაულის რაიონის სოფელ ზვარეში რკინიგზის ლიანდაგის მშენებლობაზე დასაქმებული რამდენიმე ქართველი მუშა ჩინური კომპანიის „23 ბიუროს“ წარმომადგენლებმა სცემეს. პროფკავშირების ინფორმაციით, შემთხვევა 2 ნოემბერს, გვიან ღამით მოხდა.

შინაგან საქმეთა სამინისტრომ სხეულის განზრახ ნაკლებად მძიმე დაზიანების ბრალდებით, გუშინ, ჩინეთის სამი მოქალაქე დააკავა.

მომხდარზე გამოძიება შინაგან საქმეთა სამინისტრომ სსკ-ის 125-ე მუხლით დაიწყო, რაც ცემას გულისხმობს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან