ხარაგაულის რაიონის სოფელ ზვარეში მომხდარი ინციდენტის შედეგად დაშავებული რამდენიმე მუშის მდგომარეობა საშუალო სიმძიმისაა.

როგორც "ექსპრესნიუსს" რეგიონალური ჯანდაცვის ცენტრის ხარაგაულის ფილიალის დირექტორმა ქეთევან აბრამიშვილმა განუცხადა, მათ დაზიანებები თავისა და ხელის არეში აღენიშნებოდათ.

"სასწრაფო დახმარების სამსახურმა ჩვენთან 4 ნაცემი პიროვნება შემოიყვანა. მათ, თან ახლდა სამართალდამცავი ორგანოს წარმომადგენელი. მუშების მდგომარეობა საშუალო სიმძიმისაა. დაზიანებები თავისა და ხელის არეში ჰქონდათ მიყენებული", - განაცხადა ქეთევან აბრამიშვილმა.

მისივე თქმით, დაშავებულები ხარაგაულის საავადმყოფოდან ქალაქ ზესტაფონის საავადმყოფოში გადაიყვანეს.

„ისინი ჩვენგან გადაიყვანეს ქალაქ ზესტაფოში, რადგან ჩვენთან არ იყო ქირურგი, იგი შვილის ოპერაციაზე იმყოფებოდა“, - აღნიშნა აბრამიშვილმა.

შეგახსენებთ, ხარაგაულის რაიონის სოფელ ზვარეში რკინიგზის ლიანდაგის მშენებლობაზე დასაქმებული რამდენიმე ქართველი მუშა ჩინური კომპანიის „23 ბიუროს“ წარმომადგენლებმა სცემეს. პროფკავშირების ინფორმაციით, შემთხვევა წუხელ, გვიან ღამით მოხდა.

მომხდარზე გამოძიება შინაგან საქმეთა სამინისტრომ სსკ-ის 125-ე მუხლით დაიწყო, რაც ცემას გულისხმობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან