2016-10-19 18:47:41, 1033 ნახვა
საზოგადოება
შეიარაღებული ძალების ეროვნული გვარდიის სამხედრო სასულე ორკესტრი ხვალ კონცერტს გამართავს
ჯანსუღ კახიძის სახელობის თბილისის მუსიკალურ-კულტურულ ცენტრში, ფესტივალ “შემოდგომის თბილისის" ფარგლებში, საქართველოს შეიარაღებული ძალების ეროვნული გვარდიის სამხედრო სასულე ორკესტრი უელსის პრინცის დივიზიის ორკესტრის მუსიკალურ დირექტორთან და დირიჟორთან, კაპიტან პოლ კოლის-სმიტთან ერთად ერთობლივ კონცერტს გამართავენ. ღონისძიებას, რომელიც ხვალ 19: 30 საათზე დაიწყება, თავდაცვის მინისტრი ლევან იზორია დაესწრება.
მისამართი: ჯანსუღ კახიძის სახელობის თბილისის მუსიკალურ-კულტურული ცენტრი, დ. აღმაშენებლის გამზირი №123/125.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
