ექსპერტ ვაჟა ბერიძის შეფასებით, ირაკლი ალასანიას ამომრჩეველი მეორე ტურში კენჭისყრაში მონაწილეობას არ მიიღებს. მისივე თქმით, თუ მაინც მივლენ არჩევნებზე, შეიძლება ხმები „ქართული ოცნების“ კანდიდატსა და ირაკლი ოქრუაშვილზე თანაბრად გადანაწილდეს:

„ვფიქრობ, ალასანიას ხმები არსაით არ წავა და ალასანიას ამომრჩეველი შემდეგ ტურში ურნასთან არ მივა. თუ მივიდა, შეიძლება თანაბრად გადანაწილდეს „ქართული ოცნების“ წარმომადგენელსა  და ოქრუაშვილზე. ესენი ერთმანეთის ანტიპოდები არიან, მაგრამ საწინააღმდეგო პოლუსზე არ დგანან. ისინიც პოლიტკური სპექტრის იმავე პოლუსზე არიან, რაზეც „ქართული ოცნება“ და ირაკლი ოქრუაშვილი, ალასანია დგას.სხვა პოლუსებიც არსებობს ქართულ პოლიტიკაში, ესაა- „ერთიანი ნაციონალური მოძრაობა“ ერთი პოლუსი, „პატრიოტთა ალიანსი“ მეორე პოლუსი და სხვა პარტიები, რომლებმაც ბარიერი ვერ გადალახეს“,-განაცხადა ვაჟა ბერიძემ "ექსპრესნიუსთნ" საუბარში.

ცნობისთვის, გორში, არჩევნების მეორე ტურში ერთმანეთს „ქართული ოცნების“ მაჟორიტარობის კანდიდატი იოსებ მაკრახიძე და დამოუკიდებელი კანდიდატი ირაკლი ოქრუაშვილი დაუპირისპირდებიან.

ცესკო-ს მონაცემებით, მაკრახიძესთან ერთად მეორე ტურში „თავისუფალი დემოკრატების“ ლიდერ ირაკლი ალასანიას უნდა მიეღო მონაწილეობა, თუმცა მან დღეს საარჩევნო კამპანია შეაჩერა და განაცხადა, რომ პოლიტიკიდან დროებით მიდის. ალასანიამ ამომრჩეველთა ხმების 19.38% მოაგროვა.

რაც შეეხება „ქართული ოცნების“ კანდიდატ იოსებ მაკრახიძეს, მას 33.69%-მა დაუჭირა მხარი, ირაკლი ოქრუაშვილს კი 17.33%-მა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან