„მთლიანობაში შეიძლება ითქვას, რომ არჩევნები შედგა, თუმცა მას გარკვეული, სერიოზული დარღვევები  ახლდა“, - ამის შესახებ „ექსპრესნიუსს“ ექსპერტმა პოლიტიკურ საკითხებში კორნელი კაკაჩიამ განუცხადა.

მისი შეფასებით, 8 ოქტომბრის არჩევნები 2012 წლის არჩევნებთან შედარებით უკეთესი არ ყოფილა.

„მთლიანობაში შეიძლება ითქვას, რომ არჩევნები როგორც ასეთი შედგა, თუმცა მას  გარკვეული, სერიოზული  დარღვევები ახლდა, განსაკუთრებით ბოლო დღეების განმავლობაში. ეს აღნიშნეს როგორც საერთაშორისო დამკვირვებლებმა, ისე არასამთავრობო ორგანიზაციის წარმომადგენლებმა. მთლიანად თუ შევადარებთ 2012 წლის  და  8 ოქტომბრის არჩევნებს, მიუხედავად იმისა, რომ  უკეთესობის მოლოდინი იყო, სამწუხაროდ ეს ასე არ მოხდა.  განსაკუთრებით თუ გადავხედავთ იმ დარღვევების რაოდენობას, რომელიც ბოლო დღეს იყო.  ვერ ვიტყვი, რომ მთლიანობაში დიდი გავლენა მოახდინა საარჩევნო გარემოზე. თუმცა საერთაშორისო საზოგადოების მხრიდან  მოლოდინი იყო, რომ არჩევნები უფრო მშვიდად ჩაივლიდა და ნაკლები დარღვევა იქნებოდა. ამ თვალსაზრისით შეგვიძლია ვთქვათ, რომ არჩევნები შედგა, გარკვეული დარღვევებით, მომხდარმა კი, გარკვეული როლი იქონია“,-განაცხადა კორნელი კაკაჩიამ.

ცნობისთვის, პარლამენტში 3 პარტია შედის.  „ქართულმა ოცნებამ“ ამომრჩეველთა ხმების 48.6% მიიღო, ”ერთიანმა ნაციონალურმა მოძრაობამ“ – 27.14%,  „პატრიოტთა ალიანსმა“ კი, 5%.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს