2016-10-10 09:54:00, 638 ნახვა
პოლიტიკა
კვირიკაშვილი: დარწმუნებული ვარ, მეორე ტურშიც ღირსეული კანდიდატები გაიმარჯვებენ
საქართველოს პრემიერ-მინისტრის გიორგი კვირიკაშვილის განცხადებით, წინასწარი მონაცემებით, ბევრ საარჩევნო ოლქში მაჟორიტარობის კანდიდატებს შორის მეორე ტურია მოსალოდნელი.
კვირიკაშვილის თქმით, ამის მიზეზია ის, რომ სრულიად შეგნებულად ბარიერი 50 პროცენტამდე აწიეს:
„რათა დემოკარტიულობის და ლეგიტიმაციის ხარისხი ყოფილიყო მაღალი. მოგეხსენებათ, რომ ეს არის პირველი საპარლამენტო არჩვენები, როდესაც მაჟორიტარობის კანდიდატებს ასეთი მაღალი ბარიერის გადალახვა უწევთ“,-განაცხადა გიორგი კვირიკაშვილმა.
მისივე თქმით, დარწმუნებულია, რომ მეორე ტურშიც ამომრჩევლების მაღალი აქტივობა იქნება და ღირსეული კანდიდატები გაიმარჯვებენ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
