საქართველოს თავდაცვის მინისტრი საქართველოში აკრედიტებული უცხო ქვეყნების დიპლომატიური კორპუსის წარმომადგენლებთან შეხვედრებს განაგრძობს. ბულგარეთის რესპუბლიკის საგანგებო და სრულუფლებიან ელჩთან დესისლავა ივანოვა-კოზლევასთან შეხვედრა ლევან იზორიამ ნატო-საქართველოს არსებითი პაკეტის იმპლემენტაციაზე საუბრით დაიწყო და დიპლომატს პაკეტის განხორციელების პროცესში ბულგარეთის მხარდაჭერისთვის მადლობა გადაუხადა.

მხარეებმა საქართველოსა და ბულგარეთს შორის თავდაცვის სფეროში ორმხრივი თანამშრომლობის გაღრმავებაზეც იმსჯელეს და არსებული ურთიერთობის დეტალები განიხილეს. ამჟამად, ბულგარეთი და საქართველო ექსპერტების დონეზე ნატოს კლასიფიცირებული ინფორმაციის, ადამიანური რესურსების მართვის, შესყიდვების, ინგლისური ენის სასწავლო კურსებისა და სხვა მიმართულებებში თანამშრომლობენ.  თავდაცვის უწყების ხელმძღვანელმა დიპლომატს საჩხერის სამთო მომზადების სკოლაში ბულგარელი სამხედროებისთვის ზაფხულისა და ზამთრის სამთო კურსების გავლა შესთავაზა.   

ლევან იზორიამ დიპლომატს ბულგარეთის თავდაცვის მინისტრის საქართველოში ვიზიტის ორგანიზებაში ჩართულობა სთხოვა. მომავალი წლიდან ბულგარეთის დიპლომატიური მისია საქართველოში ნატოს საკონტაქტო საელჩო ხდება. როგორც შეხვედრაზე აღინიშნა, მსგავსი სახის მაღალი დონის ვიზიტი ნატოსთან გაძლიერებული თანამშრომლობის მანიშნებელია.  

შეხვედრას საქართველოს თავდაცვის მინისტრის პირველი მოადგილე ლელა ჩიქოვანი და ბულგარეთის რესპუბლიკის თავდაცვის ატაშე საქართველოში, ვიცე-პოლკოვნიკი დარინ იანჩევი დაესწრნენ.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტოკაევმა კობახიძე ყაზახეთის რესპუბლიკის პირველი ხარისხის „მეგობრობის" საპატიო ორდენით დააჯილდოვა

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა

საია: ხოშტარია პოლიტპატიმარია, მისთვის ადეკვატური მკურნალობა უნდა იყოს უზრუნველყოფილი

ოპოზიციონერ ზვიად კუპრავას სასამართლომ 2 წლითა და 6 თვით თავისუფლების აღკვეთა მიუსაჯა