"ამ ბაქი- ბუქსა და ტრაბახს ურჩევნია, 8 ოქტომბრის არჩევნებისათვის მოემზადოს, როცა საბოლოო განაჩენს გამოუტანს მას და მის პოლიტიკურ პარტიას ქართველი ხალხი",-ასე გამოეხმაურა "ერთიანი ნაციონალური მოძრაობის" წევრი ნუგზარ წიკლაური ყოფილი პრემიერის, ბიძინა ივანიშვილის დღევანდელ განცხადებებს.

წიკლაურის თქმით, ივანიშვილი ურთიერთგამომრიცხავ განცხადებებს აკეთებს, მათ შორის "ნაციონალური მოძრაობის" რეიტინგზე:

"ბოლო დღეები განსაკუთრებით ადასტურებს იმ უიმედობას და სასოწარკვეთილებას, რაც "ქართულ ოცნებაშია". ბიძინა ივანიშვილი არის საუკეთესო სიმბოლო ამ  უიმედობის, სასოწარკვეთილებისა და ამ პოლიტიკური პარტიის  აგონიის. თქვენ ხედავთ, რომ დღეში რამდენიმე ურთიერთგამომრიცხავ განცხადებებს აკეთებს, მათ შორის მაგალითად, "ნაციონალური მოძრაობის" რეიტინგზე, რომელიც ხან რადარებიდან იყო  გამქრალი, ხან 2-3%-ს უტოლდებოდა და დღეს ბიძინას  წამოცდა, რომ 30%-ია "ნაციონალური მოძრაობის" რეიტინგი. ამიტომ, როცა ლაპარაკობს შიშზე,  უმჯობესია, ილაპარაკოს იმ შიშზე, რომელიც ახლა არის მასში ჩაბუდებული. მე ასე პერსონიფიცირებული შიში, სიმართლე გითხრათ, არ მინახავს, როგორც არის ეს  ბიძინა ივანიშვილის შემთხვევაში.  ამ ბაქი- ბუქს და ტრაბახს ურჩევნია, 8 ოქტომბრის არჩევნებისათვის მოემზადოს, როცა საბოლოო განაჩენს გამოუტანს მას და მის პოლიტიკურ პარტიას ქართველი ხალხი",-აღნიშნა ნუგზარ წიკლაურმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან