ეს არის მცდელობა, რომ ხელისუფლებამ საარჩევნო კამპანია გადაიყვანოს სულ სხვა რელსებზე, ეჭვი არ მეპარება, რომ ეს არის ფალსიფიცრებული და სუს-ის მიერ სხვადასხვა ადგილზე მოპოვებული ჩანაწერების შეერთება”,- ამის შესახებ "ნაციონალური მოძრაობის" ერთ-ერთმა ლიდერმა მიხეილ მაჭავარიანმა განაცხადა.

მაჭავარიანის თქმით, აუდიოჩანაწერების გამოქვეყნების მიზანია, „ქართულმა ოცნებამ“ არჩევნებამდე ყურადღება პრობლემებიდან სხვა თემაზე  გადაიტანოს.

„ჩვენ ვიბრძვით როგორ გამოვიყვანოთ ქვეყანა ჩიხიდან, როგორ ვუშველოთ ეკონომიკას, როგორ გავზარდოთ პენსიები, „ქართული ოცნება“ ამაზე კი არ გვესაუბრება, არამედ გვისმენს და გვიდებს ფარულ ჩანაწერებს, იყენებს ამ საარჩევნო კამპანიას არასწორი ფორმით. ეს უკვე, თუ არ ვცდები, მეოთხე საქმეა, მაგრამ გამოძიების შედეგები არავის გაუგია, ეს არის მხოლოდ, ის, რომ არჩევნებამდე რამდენიმე დღით ადრე ილაპარაკოს ჩანაწერებზე და არა ქვეყანაში არსებულ პრობლემებზე“,-  აღნიშნა მიხეილ მაჭავარიანმა. 

შეგახსენებთ, რომ სოციალურ ქსელ Youtube-ში მორიგი სატელეფონო საუბრის ჩანაწერი გავრცელდა.

ჩანაწერში სავარაუდოდ, საქართველოს ყოფილი პრეზიდენტის, მიხეილ სააკაშვილისა და „ნაციონალური მოძრაობის“ ლიდერების სატელეფონო საუბარია ასახული, რომლებიც რევოლუციურ სცენარზე საუბრობენ.

ჩანაწერის ავთენტურობა ჯერ-ჯერობით დადასტურებული არ არის.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან

ოთხშაბათს და პარასკევს ივანიშვილის რეზიდენციასთან მოვაწყობთ ერთკაციან აქციებს - მშობლები