ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა დავით ბაქრაძემ სემინარი - "მასწავლებელი - მეგზური ევროპისკენ" გახსნა.

როგორც "ექსპრესნიუსს" ნატო-სა და ევროკავშირის შესახებ საინფორმაციო ცენტრიდან აცნობეს, სემინარის მონაწილეებს, ასევე, სიტყვით მიმართავენ განათლებისა და მეცნიერების მინისტრი თამარ სანიკიძე, საქართველოში ევროკავშირის წარმომადგენლობის ხელმძღვანელის მოადგილე ბორის იაროშევიჩი და ლატვიის ელჩი საქართველოში ელიტა გაველე.

ცენტრის ინფორმაციით, ორდღიანი სემინარის ფარგლებში მასწავლებლებს საშუალება მიეცემათ მოისმინონ მოხსენებები საქართველოს საგარეო და უსაფრთხოების პოლიტიკის ძირითადი პრიორიტეტების, ადამიანის უფლებების, ეკოლოგიის, რელიგიისა და ევროკავშირის ქვეყნებში არსებული განათლების სისტემის შესახებ. ასევე, გაიმართება მასწავლებლების მიერ განხორციელებული 10 საუკეთესო პროექტის პრეზენტაცია და კონკურსში გამარჯვებულთა დაჯილდოვების ცერემონია. 

სემინარში მონაწილეობისთვის მასწავლებელთა პროფესიული განვითარების ეროვნულმა ცენტრმა კონკურსი თებერვალში გამოაცხადა, რომლის შედეგადაც თბილისიდან და რეგიონებიდან გეოგრაფიის, ისტორიისა და სამოქალაქო განათლების 100 პედაგოგი შეირჩა. სემინარის მიზანი მასწავლებლების ევროპულ და ევროატლანტიკურ სტრუქტურებში ინტეგრაციის პროცესის შესახებ ინფორმირება და ამ პროცესში მათი აქტიურად ჩართვაა.

პროექტი "მასწავლებელი - მეგზური ევროპისკენ" უკვე მეორედ ტარდება. სემინარი ნატოსა და ევროკავშირის შესახებ საინფორმაციო ცენტრის და მასწავლებელთა პროფესიული განვითარების ეროვნული ცენტრის ორგანიზებითა და საქართველოში ფრიდრიხ ებერტის ფონდის წარმომადგენლობის ფინანსური მხარდაჭერით ხორციელდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან