ცოტნე გამსახურდია საკრებულოში დაპირისპირებაზე: თბილისის მერი გამოსვლის დროს ზღაპრებს ჰყვებოდა

2016-08-26 17:15:33, 698 ნახვა

საზოგადოება

საკრებულოში მოქალაქეებისთვის განკუთვნილ ფლიგელში ფიზიკური დაპირისპირება მოხდა.

მიზეზი ცოტნე გამსახურდიას მიერ დედაქალაქის მერის მისამართით გაკეთებული განცხადებაა. მან ნარმანიას უუნარო უწოდა.

"დავით ნარმანიას თქმით, არ სჯერა იმის, რომ ყაზბეგის გამზირზე ჯანმრთელი ხეები დაჩეხეს და გამოძიების დასრულებას ელოდება. სანამ გამოძიება დასრულდება, დასრულდება უამრავი ადამიანის სიცოცხლე ამ ქალაქში, სწორედ იმ ეკოლოგიური მდგომარეობის გამო, რომელშიც ნარმანია და მისი უუნარობაა დამნაშავე“, - განაცხადა ცოტნე გამსახურდიამ.

მისივე თქმით, მერი გამოსვლის დროს ზღაპრებს ჰყვებოდა და დამსწრე საზოგადოებას თვალებში ნაცარს აყრიდა.

ცნობისთვის, საკრებულოს სხდომა, სადაც თბილისის მერ დავით ნარმანიას უსმენენ, უკვე განახლდა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან