|
2016-08-24 12:19:04, 928 ნახვა
რეგიონი
გორის გამგებელი: შეიარაღებულმა ფორმიანებმა ჩილინდარაშვილის ნაკვეთი დატოვეს
გორის მუნიციპალიტეტის გამგებლის დავით ონიაშვილის განცხადებით, შეიარაღებულმა ფორმიანებმა სოფელ სობისის განაპირას შალვა ჩილინდარაშვილის ქერის მოსავლის აღება შეწყვიტეს და ახლა ტერიტორიაზე ევროკავშირის დამკვირვებლები და ადგილობრივი ხელისუფლების წარმომადგენლები იმყოფებიან. როგორც "ექსპრესნიუსს" გამგებელმა განუცხადა, ჩილინდარაშვილის მოსავლის ნახევარი წაღებულია. მოსავლის აღება კი მათი გამოჩენისთანავე შეწყდა. "ამ წუთას მეც ამ ქერის ყანაში ვარ, სადაც შეიარაღებული პირებმა დღეს სოფელ სობისში მცხოვრები შალვა ჩილინდარაშვილის მოსავლის აღება დაიწყეს. მათ ჩილინდარაშვილი საკუთარ ნაკვეთში არ შეუშვეს და განუცხადეს, რომ ეს საქართველოს ტერიტორია არ არის. ჩვენი გამოჩენისთანავე კომბაინი გავიდა და ფორმიანების მხრიდან მოსავლის აღებაც შეწყდა. კომბაინს სამხედროებიც ახლდნენ. ჩილინდარაშვილის მოსავლის ნახევარი აიღეს და გაიტანეს. ჩვენ ყველა უწყებას შევატყობინეთ, რომ ამ ფაქტს შესაბამისი რეაგირება მოყვეს. ამჟამად, ევროკავშირის წარმომადგენლებიც აქ იმყოფებიან. გარდა ამისა, ყველა საერთაშორისო ორგანიზაციების წარმომადგენლებს ვატყობინებთ, რომ ფაქტს შესაბამისი რეაგირება მოყვეს", - განაცხადა ონიაშვილმა. შეგახსენებთ, რომ დღეს შეიარაღებულმა პირებმა გორის რაიონ სოფელ სობისის მკვიდრის შალვა ჩილინდარაშვილის კუთვნილი ქერის მოსავლის აღება დაიწყეს.
ფრანგმა პროკურორებმა ილონ მასკის წინააღმდეგ სისხლის სამართლის გამოძიება დაიწყეს.
ირანი გეგმავს, რომ მსოფლიოს უმსხვილესი IT კომპანიებისგან ჰორმუზის სრუტეში კაბელების გაყვანისთვის გადასახადი დააწესოს
CNN: პენტაგონი ირანზე ახალი დარტყმებისთვის სამიზნეების სიას ამზადებს
უკრაინამ ომის განმავლობაში მოსკოვის ოლქზე ყველაზე მასშტაბური თავდასხმის დროს ენერგეტიკული ობიექტები, თავდაცვის ინდუსტრიის საწარმო და შერემეტიევოს აეროპორტი დაბომბა
|
რედაქტორის რჩევით
ოცნების რეჟიმმა მხარი არ დაუჭირა იმ ადამიანის გასამართლებას, ვინც 412 ქართველის მოკლა და ანწუხელიძე აწამა
„ქართული ოცნების“ ღია ნაცისტური ჰომოფობიუფრი კამპანია, ტყუილები, მითები და დაშინება, ეკლესიის ჩართულობით
ომი უკრაინაში
რუსეთის ძალებმა დნეპრისა და ოდესის საცხოვრებელ შენობებს იერიში მიიტანეს, რის შედეგადაც 20 ადამიანი დაშავდა
რუსეთმა ლიმანის „ცეცხლოვანი კერის“ აღების შესახებ წელს მეორედ გამოაცხადა
ვიდეო/LIVE პატრიარქის ილია მეორის დაკრძალვა - პირდაპირი
„ქართული ოცნების“ ღია ნაცისტური ჰომოფობიუფრი კამპანია, ტყუილები, მითები და დაშინება, ეკლესიის ჩართულობით
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



epn.ge (@expressnews.ge)