შემოსავლების სამსახური: 1-დან 7 აგვისტოს პერიოდში საგადასახადო სამართალდარღვევის 359 ფაქტი დაფიქსირდა

2016-08-08 19:12:56, 1530 ნახვა

სამართალი

1-7 აგვისტოს ჩათვლით, საგადასახადო მონიტორინგის დეპარტამენტის მიერ, ქვეყნის მასშტაბით განხორციელებული მიმდინარე კონტროლის ღონისძიების შედეგად, საგადასახადო სამართალდარღვევის 359 ფაქტი გამოვლინდა.

"კერძოდ, შემოსავლების სამსახურის საგადასახადო მონიტორინგის დეპარტამენტის ოფიცრების მიერ შემოწმდა 5,072 გადამხდელი, რის შედეგადაც დაფიქსირდა შემდეგი სახის საგადასახადო სამართალდარღვევები: საქონლის სასაქონლო ზედნადების გარეშე ტრანსპორტირების 24 შემთხვევა; ეკონომიკური საქმიანობის გადასახადის გადამხდელად საქართველოს კანონმდებლობით დადგენილი წესის დარღვევით განხორციელების 51 ფაქტი; მომხმარებელთან ნაღდი ფულით ანგარიშსწორებისას საკონტროლო-სალარო აპარატის გამოუყენებლობის 284 შემთხვევა",-აცხადებენ სსიპ შემოსავლების სამსახურში.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან