თავდაცვის მინისტრის მოადგილეებად ლელა ჩიქოვანი და ნუკრი გელაშვილი დაინიშნენ

2016-08-03 12:30:21, 3983 ნახვა

პოლიტიკა

საქართველოს თავდაცვის მინისტრის მოადგილეებად ლელა ჩიქოვანი და ნუკრი გელაშვილი დაინიშნენ.

პრემიერ-მინისტრმა შესაბამის ბრძანებებს 2 აგვისტოს მოაწერა ხელი.

ლელა ჩიქოვანმა თავდაცვის მინისტრის პირველი მოადგილის თანამდებობა დაიკავა, ხოლო ნუკრი გელაშვილმა მოადგილის.

ჩიქოვანი ამ დრომდე სახელმწიფო უსაფრთხოების სამსახურის ადმინისტრაციის უფროსის თანამდებობას იკავებდა, გელაშვილი კი, შსს-ს პოლიციის აკადემიის რექტორი იყო.

ცნობისთვის, საქართველოს თავდაცვის მინისტრის პოსტზე თინა ხიდაშელი სუს-ის უფროსის უკვე ყოფილმა მოადგილემ ლევან იზორიამ შეცვალა. იგი პრემიერმა 1 აგვისტოს მთავრობის ადმინისტრაციაში წარადგინა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან