თინა ხიდაშელმა და პაატა ზაქარეიშვილმა დღეიდან თანამდებობები ოფიციალურად დატოვეს

2016-08-01 09:45:32, 809 ნახვა

პოლიტიკა

საქართველოს თავდაცვის მინისტრმა თინა ხიდაშელმა და შერიგებისა და სამოქალაქო თანასწორობის საკითხებში სახელმწიფო მინისტრმა პაატა ზაქარეიშვილმა დღეიდან თანამდებობები ოფიციალურად დატოვეს.

ახალი მინისტრების წარდგენამდე აღნიშნულ თანამდებობებზე მოვალეობას თავდაცვის მინისტრის პირველი მოადგილე დავით ებრალიძე და შერიგებისა და სამოქალაქო თანასწორობის საკითხებში სახელმწიფო მინისტრის მოადგილე ქეთევან ციხელაშვილი შეასრულებენ.

ცნობისთვის, თინა ხიდაშელმა და პაატა ზაქარეიშვილმა პრემიერ-მინისტრს გადადგომის შესახებ განცხადებით რამდენიმე დღის წინ მიმართა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან