„როსსელხოზნადზორი": ქართულმა მხარემ უწყებას რძის გადამამუშავებელი ქარხნების შემოწმების თხოვნით მიმართა

2016-07-30 12:56:24, 808 ნახვა

საზოგადოება

რუსეთში სულგუნის ექსპორტის დაწყების მიზნით, ქართულმა მხარემ „როსსელხოზნადზორს“ შესთავაზა, ქართული რძის გადამამუშავებელი ქარხნების შემოწმება ჩაატაროს, - აღნიშნულ ინფორმაციას რუსული უწყება ავრცელებს.

როგორც „როსსელხოზნადზორში" აცხადებენ, შესაბამისი ინიციატივით საქართველოს სურსათის ეროვნული სააგენტოს უფროსმა ზურაბ ჩეკურაშვილმა უწყების ხელმძღვანელს, სერგეი დანკვერტს სამუშაო შეხვედრაზე მიმართა.

ჩეკურაშვილის თქმით, ყველის მწარმოებლებს საქართველოდან, სულუგუნის რუსულ ბაზარზე გატანის მაღალი დაინტერესება აქვთ. მისივე განმარტებით, ეს რუსეთსა სა საქართველოს შორის სავაჭრო მიმოსვლას გააუმჯობესებს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან