2016-07-25 18:26:59, 1648 ნახვა
მსოფლიო
ჩავუშოღლუ: ევროკავშირს არ შეუძლია, თურქეთს დაემუქროს სიკვდილით დასჯის შესაძლო აღდგენის გამო
ევროკავშირს არ შეუძლია, თურქეთს დაემუქროს სიკვდილით დასჯის შესაძლო აღდგენის გამო, - ამის შესახებ თურქეთის საგარეო საქმეთა მინისტრმა მევლუთ ჩავუშოღლუმ განაცხადა.
როგორც მინისტრმა აღნიშნა, თურქეთი ევროპულ ღირებულებებს იცავს.
"ევროკავშირს არ შეუძლია, თურქეთს დაემუქროს. ჩვენ ევროპულ ღირებულებებს ვიცავთ. ოფიციალური პირები ევროპიდან ხშირად გამოთქვამენ საკუთარ აზრებს, თუმცა როდესაც ეს მუქარის სახით ხდება, კონტრპროდუქტიულია", - განაცხადა ჩავუშოღლუმ.
შეგახსენებთ, რომ დღეს, ევროკომისიის პრეზიდენტმა ჟან-კლოდ იუნკერმა განაცხადა, რომ ევროკავშირი თურქეთის გაწევრიანების შესახებ მოლაპარაკებების პროცესს შეწყვეტს, თუ ანაკარა სიკვდილით დასჯას აღადგენს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
