ევროკომისიამ ამერიკული კომპანია Google-ის წინააღმდეგ ახალი გამოძიება დაიწყო, - ამის შესახებ ინფორმაციას digitaltrends.com ავრცელებს.

როგორც მედია საშუალება წერს, კორპორაციას ევროკავშირის ანტიმონოპოლიური კანონმდებლობის დარღვევაში ადანაშაულებენ.

ევროკომისიაში მიიჩნევენ, რომ Google-ი თავისი კომერციული ვებ-გვერდების კონკურენტებს საძიებო სისტემის გვერდზე რეკლამის განთავსებას უზღუდვას.

ევროკომისიის განცხადებით, ამგვარი ქმედებების შედეგად მომხმარებლები, რომელთა არჩევანიც იზღუდება ზარალდებიან.

როგორც კონკურენციის საკითხებში ევროკომისრის მარგარეტ ვესტაგერის განცხადებაშია ნათქვამი, ბაზარზე დომინირება დარღვევა არ არის, თუმცა მიუღებელია, როდესაც კომპანია თავის დომინანტურ მდგომარეობას კონკურენციის შესაზღუდად იყენებს.

მედიის ცნობით, ევროკომისარმა Google-ს ორი ოფიციალური წერილი უკვე გაუგზავნა. კომპანიას ბრიუსელის პრეტენზიებზე საპასუხოდ 10-კვირიანი ვადა მიეცა.

ცნობისთვის, 2015 წლის აპრილში ევროკომისიამ Google-ს ევროკავშირის ანტიმონოპოლიური კანონმდებლობის დარღვევაში ბრალი ოფიციალურად წაუყენა. ევროკომისიაში მიიჩნევენ, რომ Google იმ კომპანიებზე ახორციელებს ზეწოლას, რომლებიც მის ოპერაციულ სისტემა “ანდროიდს” იყენებენ, რადგან მობილური ტელეფონების მწარმოებლებს Google-ის გარკვეული პროგრამების დაყენებას აიძულებს, კერძოდ Chrome-ის გამოყენება, თავის საძიებო სისტემას და Play Store-ის აპლიკაციას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირმა ინაშვილი - დავაკავეთ დამნაშავე პოლიციელებიო, სიამაყით რომ წერთ, 4 წლის მანძილზე ამ სადისტებმა კიდევ რამდენი დაკავებული აწამეს

მოსკოვმა ბენზინის გაყიდვებზე შეზღუდვები დააწესა

მივმართავთ ადამიანებს, ვისაც აქვთ სისტემური წამების კადრები, გაასაჯაროვეთ – ალიანსი

ხორგუანი: მივმართავ თავდაცვის და უსაფრთხოების კომიტეტს, სასწრაფოდ მოიწვიონ კომიტეტის სხდომა