ნინია კაკაბაძე პროკურატურას: სალომე ჩარკვიანი 3 შვილის თანდასწრებით რომ არ გაგეკოჭათ, ისე ვერ დააკავებდით?

2016-07-10 16:02:14, 2099 ნახვა

სამართალი

ჟურნალისტი ნინია კაკაბაძე სოციალურ ქსელში ავრცელებს ინფორმაციას იმის შესახებ, თუ რა ვითარებაში დააკავეს "ცენტრ პოინტის" გაყიდვების მენეჯერი სალომე ჩარკვიანი. როგორც კაკაბაძე წერს, სალომე ჩარკვიანი ბათუმში დასასვენებლად იმყოფებოდა და ის შვილების თანდასწრებით აიყვანეს:

"დღეს ბათუმში დააკავეს "ცენტრ პოინტის" გაყიდვების მენეჯერი სალომე ჩარკვიანი. როგორც ამბობენ იყო დასასვნებელად 3 შვილთან ერთად, მათი თანდასწრებით დაადეს ხელბორკილები და ბავშვები მარტო დატოვეს.
ასეთი საშიში კრიმინალია, 3 შვილის თანდასწრებით რომ არ გაგეკოჭათ, ისე ვერ დააკავებდით უფროსი 17 წლის არის და უმცროსები 7 და 5 წლის. კიდევ კარგი, უფროსს მოურიდებია პატარები, რომ არ ეყურებინათ, როგორ მიყავთ დედა ბორკილებით! !!!!",-წერს ნინია კაკაბაძე.

"ექსპრესნიუსი" მთავარი პროკურატურის პრესსამსახურს დაუკავშირდა, თუმცა უწყებაში აღნიშნულის თაობაზე არ საუბრობენ და აცხადებენ, რომ სალომე ჩარკვიანის დაკავების შესახებ დეტალურ ინფორმაციას ხვალ გაავრცელებენ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან