„უვიზო მიმოსვლა ევროკავშირის მტკიცე მხარდაჭერის გამოხატულება და უდიდესი სტიმული იქნება“, - ამის შესახებ პრემიერ-მინისტრმა გიორგი კვირიკაშვილმა ეუთო-ს საპარალამენტო ასამბლეის სიტყვით გამოსვლისას განაცხადა.

როგორც პრემიერმა აღნიშნა, დღეს ძალაში შევიდა ევროკავშირთან ასოცირების ხელშეკრულება, რისი წყალობითაც, თვისებრივად ახალი ეპოქა დგება ევროკავშირსა და საქართველოს შორის.

ამასთან, პრემიერის თქმით, ევროპული ოჯახის წევრობა  ქართველი ხალხის გააზრებული არჩევანია, რადგან  ეს არის დემოკრატიის, უსაფრთხოების და კეთილდღეობის უზრუნველყოფის გზა.

კვირიკაშვილმა იმედი გამოთქვა, რომ სავიზო ლიბერალიზაციის პროცესი  უახლოეს მომავალში  წარმატებით დასრულდება.

„ევროპული ოჯახის წევრობა ქართველი ხალხის გააზრებული არჩევანია, რადგანაც ჩვენ კარგად ვაცნობიერებთ, რომ სწორედ ეს არის ჩვენს ქვეყანაში დემოკრატიის, უსაფრთხოების, მშვიდობისა და კეთილდღეობის უზრუნველყოფის საუკეთესო გზა. მინდა გითხრათ, რომ სავიზო რეჟიმის ლიბერალიზაცია ამ ეტაპზე ევროკავშირთან ჩვენი თანამშრომლობის დღის წესრიგის ერთ-ერთი უმნიშვნელოვანესი საკითხია. მოლოდინები საქართველოში ძალიან დიდია. უვიზო მიმოსვლა იქნება ევროკავშირის მტკიცე მხარდაჭერის გამოხატულება და უდიდესი სტიმული ჩვენი - ზოგჯერ მტკივნეული - ევროპული ტრანსფორმაციის გზაზე“,-აღნიშნა კვირიკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი: ბელარუსის საზღვარზე აპარატურამ, რომელიც რუსულ დრონებს აკორექტირებდა, მუშაობა შეწყვიტა

დროა: პენიტენციურმა პირობა დაარღვია და ხოშტარიასთან მისი მკურნალი ექიმი არ შეუშვა

ევროსაბჭოს საპარლამენტო ასამბლეამ საქართველოზე კრიტიკული რეზოლუცია მიიღო

კომერსანტი: კრემლში თქვეს, რომ ე.წ. სამხრეთ ოსეთის სტატუსის გადაწყვეტის დრო დადგა