ლონდონის ცენტრში დიდი ბრიტანეთის ევროკავშირიდან გასვლის წინააღმდეგ საპროტესტო აქცია გაიმართა, - ამის შესახებ ადგილობრივი მედია წერს.

მედია საშუალების ინფორმაციით, დემონსტრაციაში რამდენიმე ათასი ადამიანი მონაწილეობდა.

“ჩვენ გვიყვარს და არ ვტოვებთ ევროკავშირს”, - სკანდირებდნენ აქტივისტები.

აქციის ინიციატორებმა დაგეგმილი შეკრებვის შესახებ მოსახლეობას სოციალურ ქსელ Facebook-ის საშუალებით შეატყობინეს, მაგრამ მოგვიანებით დემონსტრაცია უსაფრთხოების მიზნით გააუქმეს.

როგორც აქციის ორგანიზატორები აცხადებენ, დემონსტრაციაში მონაწილეობის სურვილი 50 ათასმა ადამიანმა გამოთქვა, ტრაფალგარის მოედანი კი მხოლოდ 10 ათასს იტევს, ამიტომ სამართალდამცველებმა და მერია უსაფრთხოებას ვერ უზრუნველყოფდნენ. ამასთან, მიტინგი მაინც შედგა.

ცნობისთვის, 2 ივლისს “ბრექსითის” მოწინააღმდეგეები ლონდონში მასშტაბური საპროტესტო მსვლელობის გამართვას გეგმავენ.

შეგახსენებთ, რომ დიდ ბრიტანეთში 23 ივნისს გამართული რეფერენდუმის შედეგების თანახმად, ამომრჩეველთა 51,9 პროცენტმა ევროკავშირიდან გასვლას დაუჭირა მხარი. რეფერენდუმში ევროსკეპტიკოსების გამარჯვების შემდეგ პრემიერ-მინისტრმა დევიდ ქემერონმა გადადგომის შესახებ განაცხადა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირმა ინაშვილი - დავაკავეთ დამნაშავე პოლიციელებიო, სიამაყით რომ წერთ, 4 წლის მანძილზე ამ სადისტებმა კიდევ რამდენი დაკავებული აწამეს

მოსკოვმა ბენზინის გაყიდვებზე შეზღუდვები დააწესა

მივმართავთ ადამიანებს, ვისაც აქვთ სისტემური წამების კადრები, გაასაჯაროვეთ – ალიანსი

ხორგუანი: მივმართავ თავდაცვის და უსაფრთხოების კომიტეტს, სასწრაფოდ მოიწვიონ კომიტეტის სხდომა