2016-06-28 16:39:49, 669 ნახვა
პოლიტიკა
ხიდაშელი გაწვევის გაუქმებაზე: დოკუმენტი განხილვას არ საჭიროებს
„გუშინდელ გადაწყვეტილებას არ გავაუქმებ, ეს არის თავდაცვის მინისტრის კომპეტენციის ფარგლებში მიღებული გადაწყვეტილება“,-ამის შესახებ თავდაცვის მინისტრმა თინა ხიდაშელმა ჟურნალისტებს განუცხადა.
როგორც მინისტრმა აღნიშნა, დოკუმენტს განხილვა არ სჭირდება.
„თუ უშიშროების საბჭო ან მთავრობა გადაწყვეტს, აღნიშნული დოკუმენტის განხილვას სავალდებულო გაწვევის საკითხთან დაკავშირებით, მე რა თქმა უნდა როგორც თავდაცვის მინისტრი ამ განხილვებში მონაწილეობას მივიღებ, თუმცა ვთვლი, რომ დოკუმენტი განხილვას არ საჭიროებს და ის თავდაცვის მინისტრის კომპეტენციის ფარგლებშია მიღებული. თავის დროზე აღნიშნული საკითხი დამტკიცებული აქვს პრეზიდენტს და მზად ვარ დისკუსიებში მონაწილეობა მივიღო“, - განაცხადა ხიდაშელმა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
