გიორგი მღებრიშვილი მოქალაქეებს მიმართავს

2016-06-22 15:55:23, 1125 ნახვა

სამართალი

საქართველოს შინაგან საქმეთა მინისტრი გიორგი მღებრიშვილი მოქალაქეებს მოუწოდებს, სოციალურ ქსელებში დანაშაულის შესახებ ინფორმაციის გავრცელებასა და ჩასაფრებულის პოზიციიდან დაკვირვებას, თუ რას მოიმოქმედებს პოლიცია, სამართალდამცავ უწყებებს შესაძლო დანაშაულის შესახებ შეატყობინონ.

"მსურს, მოვუწოდო ჩვენს მოქალაქეებს, რომ სოციალურ ქსელებში დანაშაულის შესახებ ინფორმაციის გავრცელებას და ჩასაფრებულის პოზიციიდან დაკვირვებას, თუ რას მოიმოქმედებს პოლიცია, ვფიქრობ, აჯობებს, რომ ყველამ მოიხადოს თავისი მოქალაქეობრივი ვალი და შეატყობინოს სამართალდამცავ უწყებებს შესაძლო დანაშაულის შესახებ. ჩვენ, პოლიცია, უფრო ეფექტურად, უფრო ხარისხიანად და უფრო ოპერატიულად შევძლებთ ასეთ გარემოებებზე რეაგირებას",-განაცხადა გიორგი მღებრიშვილმა დღევანდელ ბრიფინგზე.

შეგახსენებთ, ოფიციალური ინფორმაციით, საქართველო-სომხეთის სახელმწიფო საზღვრის უკანონოდ გადაკვეთის მცდელობისას, კანონიერი ქურდობის ბრალდებით, დავით გერლიანი დააკავეს. მას ბრალი 48 საათის განმავლობაში წარედგინება.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან