ვაკის პარკში სპორტული ორიენტირების საპილოტე პროგრამის ფარგლებში პირველი ტურნირი გაიმართა. ტურნირი საქართველოს თავდაცვის სამინისტროს, დედაქალაქის მერიის, საქართველოს ორიენტირების ეროვნული ფედერაციისა და სასკოლო სპორტის ეროვნული ფედერაციის ორგანიზებით ჩატარდა და მასში თბილისის საჯარო სკოლების მოსწავლეები მონაწილეობდნენ. მოსწავლეების ძირითად ამოცანას რუკითა და კომპასით უცნობი ადგილმდებარეობის გაგნება წარმოადგენდა.

შესარჩევი ტურის შედეგად ხუთი ქვეგუნდი გამოავლინეს. ტურნირში მონაწილეებმა სიგელები მიიღეს, წარმატებული ქვეგუნდები კი ახლო მომავალში კოჯორში, სერჟანტთა მომზადების ცენტრის მიმდებარე ტერიტორიაზე ფინალურ ეტაპზე იასპარეზებენ.

თავდაცვის უწყებისთვის მსგავსი ღონისძიებების ხელშეწყობა მნიშვნელოვანია, რადგან მისი მიზანი ახალგაზრდებისა და და ჯარის დაახლოებაა. უწყებისთვის ასევე მნიშვნელოვანია სპორტული ორიენტირის, როგორც სამხედრო გამოყენებითი სპორტის სახეობის განვითარება.

საქართველოს თავდაცვის სამინისტრო და სპორტული ორიენტირების ეროვნული ფედერაცია 2013 წლიდან თანამშრომლობენ. ქართველმა სამხედრო მოსამსახურეებმა შვედეთში გამართულ მსოფლიო ჩემპიონატში 2013 წელს წარმატებით იასპარეზეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან