მოსამართლეთა კოლეგიამ "რუსთავი2"-ის ინტერესების დამცველების  შუამდგომლობა, პროცესის გადადებასთან დაკავშირებით, არ დააკმაყოფილა.

ადვოკატები აცხადებდნენ, რომ მათ არ ჰქონდათ საკმარისი დრო დღევანდელი პროცესისთვის მოსამზადებლად.

ამასთან, "რუსთავი2"-ის გენერალური დირექტორის ნიკა გვარამიას თქმით, გადატვირთული გრაფიკიდან  გამომდინარე,  საკუთარი შესაძლებლობების  სრულად აღდგენა ვერ მოახერხა.

"აქედან  წავედი ექვს  საათზე,  სამსახურში ვიყავი შვიდ საათზე, მქონდა ეთერი ათ საათზე,  დასრულდა პირველის ნახევარზე.  ვერ მოვახერხე სრულად ჩემი შესაძლებლობების და ენერგიის აღდგენა.  სამ საათზე მივედი სახლში და დილით ისევ პროცესზე ვარ.  ჩემთვის წარმოუდგენელია იმ მოცულობით განვახორციელო დაცვის უფლება,  რაც მე ზოგადად შემიძლია. იგივე ეხებათ ჩემს კოლეგებს. სხვა საქმეებიც გვაქვს, მხოლოდ ამ სასამართლოს დღის წესრიგით არ ვცხოვრობთ. სრულიად გვაგდებთ სამუშაო რეჟიმიდან. არაფერი არ უნდა ვაკეთოთ მაშინ.  ნუ შეგვიზღუდავთ შეჯიბრობითობას. გადავდოთ პროცესი", - მიმართა "რუსთავი2"-ის გენერალურმა დირექტორმა ნიკა გვარამიამ მოსამართლეთა კოლეგიას, თუმცა პროცესი მაინც გაგრძელდა.

მოსამართლეთა  კოლეგიამ შუამდგომლობა არც  შესვენების გამოცხადების შესახებ  დააკამყოფილა.

სააპელაციო სასამართლოსთან "რუსთავი2"-ის მხარდამჭერები არიან შეკრებილები. ადგილზე მობილიზებულია პოლიცია.

შეგახსენებთ, "რუსთავი2"-ის საჩივარი  თბილისის საქალაქო სასამართლოს მოსამართლე თამაზ ურთმელიძის 2015 წლის 3 ნოემბრის გადაწყვეტილებას ეხება,  რომლითაც ტელეკომპანიის  წილის 100%  ბიზნესმენ ქიბარ ხალვაშს გადაეცა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

შსს-ს ახალი სამმართველოს საჩივრის საფუძველზე, ნიკა გვარამიას შეურაცხყოფის ფაქტზე, მოქალაქეს 2000-ლარიანი ჯარიმა დაეკისრა

პაპუაშვილი: ახია საფრანგეთზე! როდესაც სხვა ქვეყნების შიდა საქმეებში ერევი, მზად უნდა იყო იმისთვის, რომ შენც ასევე მოგეპყრობიან

მსოფლიო რაგბის მომავალი საქართველოში იკრიბება - 27 ივნისიდან ახალგაზრდული მსოფლიო ჩემპიონატი იწყება

ემანუელ მაკრონმა ვოლოდიმირ ზელენსკის მასსა და დონალდ ტრამპს შორის შეხვედრის ორგანიზება შესთავაზა