„მინდა მადლობა ვუთხრა ყველა იმ ახალგაზრდას, რომელმაც თავისი ნატვრები და სურვილები საქართველოს მომავლის საკუთარი ხედვა დაწერეს და ეს არის მრავალფეროვანი წერილები“, - ამის შესახებ საქართველოს პრემიერ-მინისტრმა გიორგი კვირიკაშვილმა „მომავლის  კაფსულის ჩანერგვისას“ ჟურნალისტებს განუცხადა.

პრემიერის თქმით, 25 წლის წლის შემდეგ  მომავალი თაობები კაფსულას გახსნიან და გამოჩნდება თუ რამდენად სწორად გამოიარა ხალხმა და ხელისუფლებამ განვითარების გზა.

„დღეს შევინახეთ 25 წლით, ახალგაზრდების მრავალფეროვანი წერილები  და 25 წლის შემდეგ ჩვენი მომავალი თაობები გახსნიან და ვნახავთ რამდენად სწორად გამოვიარეთ განვითარების გზა, რამდენად შევასრულეთ ჩვენი მომავალი თაობის ნატვრა, რამდენად ემთხვევა ჩვენს მიერ განვითარებული საქართველო იმ სურვილებს, რომლებიც ამ ბავშვებმა გამოხატეს“, - განაცხადა კვირიკაშვილმა.

პრემიერმა კიდევ ერთხელ მიულოცა სრულიად საქართველოს დამოუკიდებლობის 25 წლისთავი  და აღნიშნა, რომ ეს არის უდიდესი დღე, როდესაც საქართველომ 25 წელი  განვლო მას შემდეგ, რაც  დამოუკიდებლობააღიდგინა. 

„ამ წლების განმავლობაში ჩვენ გვქონდა მიღწევებიც და წარუმატებლობებიც, მაგრამ  ჩვენ ღირსეულად გამოვიარეთ ეს პერიოდი, ღირსეულად გამოვიარეთ იმიტომ რომ ჩვენ გვყავდნენ გმირები, რომლებმაც ჩვენი სამშობლოსთვის თავები გაწირეს, გვყავს ადამიანები, რომლებსაც შეუძლიათ სამშობლო საკუთარ ინტერესებზე მაღლა დააყენონ“, - განაცხადა კვირიკაშვილმა.

ამასთან, მისივე  თქმით, ის ამაყია, რომ საქართველო დამოუკიდებლობის 25 წლის თავზე  ასეთი ფორმით მივიდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

500 Global in Eurasia-ს მეათე ნაკადის დემო დღე 25 ივნისს გაიმართება

საქართველოს ბანკისა და Emolas Corporation - ის პარტნიორობის ფარგლებში, სამეფო უბნის თეატრი სპექტაკლ „მოახლეებს“ ნიუ იორკის სცენაზე წარადგენს

ალეკო ელისაშვილმა პაპუაშვილს სასამართლოში უჩივლა

Procter & Gamble-მა სანქცირებულ TV იმედთან თანამშრომლობა შეწყვიტა