საქართველოს პრეზიდენტი გიორგი მარგველაშვილი 23-24 მაისს სტამბოლში, მსოფლიო ჰუმანიტარულ სამიტში  მიიღებს მონაწილეობას.

ამის შესახებ „ექსპრესნიუსს“ პრეზიდენტის ადმინისტრაციის პრესსამსახურიდან აცნობეს.

მათივე ინფორმაციით, სამიტი გაეროს გენერალური მდივნის ბან კი მუნის ინიციატივით პირველად იმართება და მასში მონაწილეობას 70 ქვეყნის ლიდერი მიიღებს.

სამიტს სხვადასხვა ქვეყნიდან დაახლოებით 5 ათასი მონაწილე დაესწრება, მათ შორის  საერთაშორისო ჰუმანიტარული  ორგანიზაციების, ბიზნეს და სამოქალაქო სექტორის წარმომადგენლები.

სამიტის ფარგლებში განხილული იქნება ისეთი  თემები, როგორებიცაა „ჰუმანიტარულ სფეროში ღონისძიებები", „დაუცველობის შემცირება და რისკის მართვა", „ინოვაციის მეშვეობით ტრანსფორმაცია" და „კონფლიქტებში ჰუმანიტარული საჭიროებების დაკმაყოფილება".

სამიტზე ასევე ყურადღება დაეთმობა სირიის კრიზისის თემას და დევნილთა პრობლემის დასაძლევად ერთობლივი და კოორდინირებული მუშაობის მნიშვნელობას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს