„ვაშინგტონში არის განცდა, რომ საქართველო პოსტსაბჭოთა სივრცეში ყველაზე წარმატებული  ქევყანაა“, - ამის შესახებ პრემიერ-მინისტრის სპეციალურმა წარმომადგენელმა რუსეთთან ურთიერთობის საკითხებში ზურაბ აბაშიძემ მთავრობის ადმინისტრაციაში აშშ-ში ვიზიტის შეფასებისას განაცხადა.

ზურაბ აბაშიძის თქმით, ვიზიტის ფარგლებში სხვადასხვა სამუშაო შეხვედრა გამართა, მათ შორის  თეთრ სახლში, სახელმწიფო დეპარტამენტში, პენტაგონში. აბაშიძე ამბობს, რომ ვაშინგტონში კარგად არიან ინფორმირებული იმის თაობაზე, თუ რას აკეთებს საქართველოს მთავრობა  საგარეო პოლიტიკის მიმართულებით.

ამასთან, აბაშიძის თქმით, საუაბრი შეეხო საქართველო-რუსეთს შორის არსებულ ურთიერთობასაც. ამერიკელების რეკომენდაციაა, რომ საქართველომ რუსეთთან დიალოგი გააგრძელოს.

„მართლაც ძალიან კარგი ფონი დაგვხვდა პრემიერმინისტრის ვიზიტის შემდეგ. ჩვენ გავაგრძელეთ პრემიერის ვიზიტის შემდგომი ეტაპი, კვლევით ცენტრებზე შევხდით ძალიან ცნობილ სპეციალისტებს, შეხვედრები გვქონდა თეთრ სახლში, სახელმწიფო დეპარტამენტში,  პენტაგონში, თავდაცვის დეპარტამენტში და  იქ გაიმართა საუბარი ჩვენი საგარეო პოლიტიკის საკითხებზე. 

ძალიან კარგად არიან ინფორმირებულნი, თუ რას აკეთებს საქართველოს მთავრობა საგარეო პოლიტიკის თვალსაზრისით, არის სრული მხარდაჭერა. დიდი იყო ინტერესი იმის თაობაზე, თუ როგორ  მიმდინარეობს დიალოგი რუსეთთან.  ამერიკელების რეკომენდაციაა,  რაოდენ რთულიც არ უნდა იყოს ეს დიალოგი,  აუცილებლად უნდა გავაგრძელოთ, შევეცადოთ, რაღაც შეხების წერტილები გამოვნახოთ და შეძლებისდაგვარად მოვაგვაროთ ის პრობლემები, რომელთა მოგვარებაც შესაძლებელია ჩვენი სახელმწიფო ინტერესების შელახვის გარეშე. ძალიან სასარგებლო და დროული ვიზიტი იყო. ზოგადდ ვაშინგტოში არის განცდა, რომ საქართველო პოსტსაბჭოთა სივრცეში ყველაზე წარმატებული  ქევყანაა“, -განაცხადა ზურაბ აბაშიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს