პრემიერ-მინისტრ გიორგი კვირიკაშვილის განცხადებით, საქართველო პირველ ადგილზეა აღმოსავლეთ ევროპის და ცენტრალური აზიის 13 ქვეყანას შორის, სადაც კორუფციის ყველაზე დაბალი მაჩვენებელია.

ამის შესახებ პრემიერმა Sky News-ის ეთერში განაცხადა.

ჟურნალისტის კითხვაზე თუ რას აკეთებს საქართველო ევროპაში ქართული კრიმინალური დაჯგუფებების საქმიანობის აღსაკვეთად

პრემიერმა განაცხადა, რომ ამ მიზნით ევროკავშირის ყველა ქვეყანაში პოლიციის ატაშეები დაინიშნენ და პროგრესი უკვე შეინიშნება.

„საქართველო არის პირველ ადგილზე აღმოსავლეთ ევროპისა და ცენტრალური აზიის 13 ქვეყანას შორის, სადაც კორუფციის ყველაზე დაბალი მაჩვენებელია. ასევე მსოფლიოს 102 ქვეყანას შორის მე-12 ადგილზეა კორუფციის დაბალი დონით. ზოგიერთი მთავრობა რჩევებს იღებს ჩვენგან. მაგალითად, იუსტიციის სახლი არის ძალიან კარგი კონცეფცია, რომლის ექსპორტიც საქართველოდან მოხდა. პროგრესი, რომელსაც ბოლო ათწლეულების განმავლობაში მივაღწიეთ, მოწმობს იმას, რომ თუ არსებობს პოლიტიკური ნება და მოსახლეობის მტკიცე მხარდაჭერა, ბევრი რამის მიღწევა შეიძლება,“- აღნიშნა კვირიკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა

ნავროცკიმ ზელენსკის მიმართა „თეთრი არწივის“ სკანდალის ფონზე