საქართველოს იუსტიციის სამინისტროს მმართველობის სფეროში მოქმედი სსიპ „დანაშაულის პრევენციის ცენტრი“  ბულინგის წინააღმდეგ მიმართულ კამპანიას განაგრძობს.

ამ მიზნით მეჯვრისხევის საზოგადოებრივ ცენტრში, დაბა დმანისის #1 საჯარო სკოლაში და გორის მუნიციპალიტეტის სოფელ კარალეთის #1 საჯარო სკოლაში ჩატარდა ტრენინგები, რომლებსაც ასამდე მოსწავლე დაესწრო.

ცენტრის ინფორმაციით, შეხვედრების განმავლობაში მონაწილეები აქტიურად განიხილავდნენ ბულინგს, როგორც ძალადობის ფორმას და საზოგადოებაში არსებულ აქტუალურ სოციალურ პრობლემას. მოსწავლეებმა იმსჯელეს ბულინგის წარმოშობის მიზეზებისა და მისი შედეგების შესახებ. ასევე, განისაზღვრა  პრობლემის მოგვარების შესაძლო ალტერნატივები და გამოითქვა სამომავლო აქტივობების ინიციატივა. ტრენინგები დანაშაულის პრევენციის ცენტრის თანამშრომლებმა და მოხალისე ტრენერებმა ჩაატარეს.

 ბულინგის წინააღმდეგ მიმართული კამპანია აქტიურად გაგრძელდება მომდევნო თვეების განმავლობაში საზოგადოებრივ ცენტრებსა და  თბილისის სკოლებში. საქართველოს იუსტიციის სამინისტროს სსიპ „დანაშაულის პრევენციის ცენტრი" სხვადასხვა ახალგაზრდულ პროგრამას ახორციელებს. მათი ერთ-ერთი მთავარი მიზანია მოზარდებში სამართლებრივი და სამოქალაქო ცნობიერების ამაღლება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბოჭორიშვილი- ევროკავშირში ხშირად ატარებენ შეხვედრებს, იმისთვის რომ საქართველო არ მიიწვიონ

კობახიძემ მოიტყუა, რომ ევროპარლამენტი არ აღიარებს საქართველოს სუვერენიტეტს მთელ ტერიტორიაზე

სტრასბურგის სასამართლომ რუსეთს პასუხისმეგებლობა დააკისრა საქმეზე, რომელიც გიორგი ანწუხელიძესა და სხვა მეომრებს ეხება

"ქართულმა ოცნებამ" ევროსასამართლოში გამოხატვის თავისუფლების საქმეზე დავა წააგო