თანახმა ვართ, შემოღებული იქნას ნებისმიერი კრიტერიუმი, თუმცა ამ კრიტერიუმების მიხედვით საბჭო რა გადაწყვეტილებასაც მიიღებს, ყველასთვის მისაღები უნდა იყოს, - ამის შესახებ იუსტიციის უმაღლესი საბჭოს მდივანმა ლევან მურუსიძემ ჟურნალისტებს განუცხადა.

 „თანახმა ვართ, რომ შემოღებული იქნას ნებისმიერი კრიტერიუმები, თუმცა ამ კრიტერიუმებით რა გადაწყვეტილებასაც მიიღებს საბჭო, ყველასთვის მისაღები უნდა იყოს. თუ ფიქრობენ, რომ შემოიღებენ სპეციალურ კანონებს, რომლითაც ამა თუ იმ მოსამართლეზე იტყვიან რომ ღირსი არ არის დარჩეს სასამართლო სისტემაში, ეს მიუღებელია. მორალური შეფასება - ვინ მორალურია და ვინ ამორალური, არასწორად მიმაჩნია“, - განაცხადა ლევან მურუსიძემ.

მისივე თქმით, იუსტიციის უმაღლესი საბჭო დღეს არსებული კანონებით მოქმედებს.

„რეალური საბჭო კოლეგიალური ორგანოა, გადაწყვეტილებას იღებს კოლეგიურად. მინდა გითხრათ, რომ ლევან მურუსიძე უსასრულოდ საბჭოს მდივანი ვერ იქნება. ლევან მურუსიძეს აქვს თავისი ვადები, ერთ წელიწადში მას გასდის ვადა, ამიტომ როდესაც ჩვენ ვსაუბრობთ საკანონმდებლო ცვლილებებზე, უნდა ვილაპარაკოთ სისტემას რაც გამოადგება და არ უნდა იყოს საუბარი კონკრეტულ ადამიანზე. მე სრული პასუხისმგებლობით გეუბნებით და ვაცხადებ, რომ საბოლოო ჯამში, რა კანონსაც მიიღებს პარლამენტი, იმ კანონით იმოქმედებს იუსტიციის უმაღლესი საბჭო. თუ მიიღებენ კანონს, რომ ინსპექტორი უნდა დაინიშნოს, დანიშნონ. ჩვენი პოზიცია იყო, რომ ინსპექტორი საერთოდ არ უნდა ყოფილიყო და ამ ინსტიტუტის მიმართ გვქონდა უარყოფითი დამოკიდებულება“, - აღნიშნა მურუსიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი

დიუშენის დაავადების მქონე ბავშვების მშობლები: „გადავარჩინოთ ჩვენი შვილები“