საქართველოს გაერთიანებულმა პროფესიულმმა კავშირებმა, სამუშაო ადგილზე დაღუპულთა და დაშავებულთა ხსოვნის საერთაშორისო დღესთან დაკავშირებით პარლამენტთან მშვიდობიანი საპროტესტო აქცია გამართეს.

აქციაზე დასაქმებულები და აქციის მონაწილეები ხელისუფლებისგან რეალური, ქმედითი შრომის ინსპექციის შექმნას ითხოვენ.

მათივე განცხადებით, ინსპექციამ სამუშაო ადგილზე შრომის, დაცვისა და სამართლიანი პირობების შესრულება უნდა გააკონტროლოს.

როგორც აქციის ერთ-ერთმა მონაწილემ და პროფესიული კავშირების წევრმა, თამაზ დოლენჯაშვილმა აღნიშნა, ისინი მოითხოვენ 8 საათიან გარანტირებულ სამუშაო დღეს, ზეგანაკვეთური შრომის ანაზღაურების დისკრიმინაციული წესის შეცვლას, დასაქმებული ქალების შრომითი უფლებების გაუმჯობესებას, შრომითი უფლებების დაცვას და უმუშევრობის შემწეობის დაწესებას.

პარლამენტის წინ მათ მოტანილი აქვთ ტრანსპარანტები წარწერით "ვილოცოთ გარდაცვლილთათვის", "იქნება სოლიდარობა ყველაფერი გამოვა", "შრომა სამართლიანობა სოლიდარობა", "შრომის ინსპექციის არარსებობა+დეკორაციული შრომის ინსპექცია". მათ ასევე სამუშაო ადგილზე დაღუპულთა ხსოვნის საპატივცემულოდ სანთლები დაანთეს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ცაჰალის ცნობით, მოკლეს ჰამასის მეთაური აბუ მუსტაფა, რომელიც 7 ოქტომბრის თავდასხმასთან იყო დაკავშირებული

ვაშინგტონმა და თეირანმა გადაწყვიტეს ჰორმუზის სრუტის გავლით უსაფრთხო გადაადგილების მექანიზმის შემუშავება

ყატარში, მსოფლიოში უდიდეს თხევადი ბუნებრივი აირის წარმოების ცენტრში აფეთქება მოხდა, 54 ადამიანი დაშავდა

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი