2016-04-27 18:18:07, 999 ნახვა

---

სახელმწიფო ქონების ეროვნულმა სააგენტომ ჭონქაძის ქუჩა N 21-ში მდებარე უძრავი ქონება აუქციონზე გასაყიდად გამოიტანა

ეკონომიკისა და მდგრადი განვითარების სამინისტროს სახელმწიფო ქონების ეროვნულმა სააგენტომ თბილისში, ჭონქაძის ქუჩა N 21-ში მდებარე ქონება პირობებიან ელექტრონულ აუქციონზე გასაყიდად გამოიტანა.

"სახელმწიფო საკუთრებაშია  3841 კვ.მ. მიწის ნაკვეთი და მასზე განთავსებული შენობა-ნაგებობება.ქონების საწყისი საპრივატიზებო ღირებულება  8 200 000 ლარს შეადგენს.

ელექტრონული აუქციონი  2016 წლის 11 მაისს 17:00 საათზე დასრულდება და მასში მონაწილეობის მიღება ნებისმიერ დაინტერესებულ პირს შეეძლება.

აუქციონის პირობების მიხედვით მყიდველი ვალდებულია საპრივატიზებო ობიექტზე  სულ მცირე 80 ნომრინი სასტუმრო ააშენოს და მინიმუმ 10 000 000 ლარის ინვესტიცია  განახორციელოს.

აღნიშნული ქონება განთავსებულია თბილისის ერთ–ერთ უძველეს ისტორიულ და ტურისტულად დატვირთულ ნაწილში. ობიექტიდან 600 მეტრის  მანძილზე მდებარეობს თავისუფლების მოედანი, ხოლო 700 მეტრის  დაშორებით განთავსებულია საქართველოს პარლამენტი. აღსანიშნავია, რომ ობიექტის მახლობლად არსებული ფუნიკულიორი, რომელიც ერთმანეთთან ჭონქაძის ქუჩასა დ მთაწმინდის პარკს აკავშირებს,  თვეში საშუალოდ 20 000-მდე ტურისტს ემსახურება“, - ნათქვამია ეკონომიკის სამინისტროს განცხადებაში.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი