"სიხარული და მწუხრება თითქოს ტყუპი ძმებივით სულ ერთად დადიან. ვთხოვთ უფალს, გაგვაძლიეროს ჩვენს სიკეთეში",-ამის შესახებ სრულიად საქართველოს კათოლიოს-პატრიარქმა, ილია მეორემ სადღესასწაულო  წირვის შემდეგ ქადაგებისას ბრძანა.

უწმინდესმა მრევლს მიმართა, აღდგომის ბრწყინვალე დღსასწაულისთვის მოემზადონ:

 „სიხარული და მწუხრება  თითქოს ტყუპი ძმებივით სულ ერთად დადიან.  ერთი ბრძენი ადამიანი ამბობდა, დიდებიდან მწუხარებამდე ერთი  პატარა ნაბიჯიაო. დღეს ვდღესასწაულობთ უფლისა ჩვენისა იესო ქრისტეს ზეიმით შესვლას იერუსალიმში, სადაც მას ხალხი უგებდა ტანსაცმელს და ბზის ტოტებს. უფალი ტიროდა, რადგან  ხედავდა იმ ხალხის სისუსტეს. ხალხი, რომელიც ადიდებდა უფალს და უგალობდა "ოსანას", რამდენიმე დღეში იყვირებდა - „ჯვარს აცვი იგი“. ასეთი ცვალებადია ადამიანი. ჩვენ ვთხოვთ უფალს, გაგვაძლიეროს ჩვენს სიკეთეში, მართლმადიდებლობაში. გააძლიეროს ჩვენში სიყვარული, მიმტევებლობა და ცოდვათა ჩვენთა განცდა“,-ბრძანა ილია მეორემ.

დღეს, მართლმადიდებელი ეკლესია  იერუსალიმში მაცხოვრის დიდებით შესვლას, ბზობის დღესასწაულს აღნიშნავს. ბზობის დღესასწაულის  შინაარსი დაფუძნებულია სახარების მოთხრობაზე, რომელშიც გადმოცემულია იერუსალიმში პასექის დღესასწაულზე დასასწრებად იესო ქრისტეს შესვლის ამბავი. იესოს მოსახლეობა ზეიმით შეეგება, ზოგი მის სახედარს ფეხქვეშ თავის სამოსს უგებდა, ზოგი პალმის ტოტებს — ბაიას უფენდა, თან „ოსანას“ შესძახოდნენ. ბზობის რიტუალი სიმბოლურად იმეორებს სახარების ამ მოთხრობის ზოგიერთ დეტალს; მღვდელმსახურნი მლოცველთა მიერ მიტანილ ტოტებს აკურთხებენ და გალობენ „ოსანას“ შესძახოდნენ.

წელს დიდმარხვა  14 მარტს დაიწყო და პირველ  მაისს, უფლის აღდგომის ბრწყინვალე დღესასწაულზე დასრულდება.   

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს