სასჯელაღსრულებისა და პრობაციის სამინისტროს N 11 სარეაბილიტაციო დაწესებულების არასრულწლოვნებმა ინტელექტუალურ კონკუსში - „რა? სად?  როდის?“  მიიღეს  მონაწილეობა.

როგორც „ექსპრესნიუსს“ სასჯელაღსრულების სამინისტროდან აცნობეს, სპორტის და ახალგაზრდობის საქმეთა სამინისტრო რამდენიმე წელია საქართველოს მასშტაბით   პროგრამას _  „ინტელექტის დღე - რა? სად? როდის?“ ახორციელებს.   მიმდინარე წელს აღნიშნულ პროგრამაში  1200-ზე მეტი  საჯარო სკოლის მოსწავლე ჩაერთო. 

ინტელექტუალური კონკურსი  საქართველოს მასშტაბით ყველა საჯარო სკოლაში 13 საათზე დაიწყო.  1200 საჯარო სკოლის მოსწავლეს  24 ერთსა და იმავე  შინაარსის კითხვაზე უნდა გაეცა პასუხი.  N 11 სარეაბილიტაციო დაწესებულებაში ერთმანეთს სამი გუნდი -  „იდეა“, „ბროლის ბუ“ და „მოაზროვნე“ დაპირისპირდა.

სასჯელაღსრულებისა დ  პრობაციის სამინიტროს პენიტენციური დეპარტამენტის სოციალური სამსახურის უფროსის ლეილა აფციაურის განცხადებით,  სპორტისა და ახალგაზრდობის  საქმეთა სამინისტრო სასჯელღსრულებისა და პრობაციის სამინისტროს  ერთ-ერთი მნიშვნელოვანი პარტნიორია და დიდ ყურადღებას იჩენს  არასრულწლოვანთა სარეაბილიტაციო დაწესებულებისადმი.

„პროგრამა  „ინტელექტის დღე - რა? სად? როდის?“ დაწესებულებაში ძალიან პოპულარულია. ჩვენთვის მნიშვნელოვანია, რომ ამ მასშტაბურ პროგრამაში 1200 სკოლასთან ერთად,  N 11 სარეაბილიტაციო დაწესებულების სკოლაც მონაწილეობს. არასრულწლოვნებმა   ღირსეულად გაართვეს თავი შეკითხვებს. ძალიან მნიშვნელოვანია, რომ ახალგაზრდებს ამ კონკურსში მონაწილეობით თავიანთი ერუდიციის წარმოჩენის საშუალება მიეცათ“, - განაცხადა ლეილა აფციაურმა.

ქართველოს ინტელექტკლუბ  „რა? სად? როდის?“  წარმომადგენლის მიხეილ ციცქიშვილის განცხადებით, აღნიშნული  პროექტი  დიდი  სტიმულია მოსწავლეებისთვის, რომ მეტი წიგნი წაიკითხონ  და მეტად ჩაერთონ საგანმანათლებლო პროგრამებში.

აღსანიშნავია, რომ  N 11 სარეაბილიტაციო პენიტენციური დაწესებულების არასრულწლოვნებისთვის კონკურისის მოდიფიცირებული ვარიანტი იქნა მოფიქრებული. ინტელექტუალური კონკურისის შიდა ტურნირის  მეორე ეტაპში გამარჯვებულებს სიმბოლური საჩუქრები და  სერტიფიკატები გადაეცემათ.

გარდა აღნიშნული პროგრამისა,  სპორტისა და ახალგაზრდობის საქმეთა  სამინისტრო  N 11 არასრულწლოვანთა  დაწესებულებაში  კიდევ არაერთ  სარეაბილიტაციო პროგრამას  ახორციელებს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს