აჭარის მთავრობის თავმჯდომარე არჩილ ხაბაძე ნონა გაფრინდაშვილის 75-ე წლის იუბილისადმი მიძღვნილ ქალთა მსოფლიო გრან-პრის გათამაშების გახსნას დაესწრო.

აჭარის მთავრობის ადმინისტრაციის პრესსამსახურის ინფორმაციით, ღონისძიება სასტუმრო „ინტურისტში" საქართველოს ჭადრაკის ფედერაციის პრეზიდენტმა გიორგი გიორგაძემ გახსნა და აჭარის მთავრობას მხარდაჭერისათვის განსაკუთრებული მადლობა გადაუხადა.

ცერემონიაზე სიტყვით გამოვიდა ევროპის ჭადრაკის ფედერაციის პრეზიდენტი ზაზა აზმაიფარაშვილი და აჭარის მთავრობის თავმჯდომარე არჩილ ხაბაძე. ქალთა მსოფლიო გრან-პრის გათამაშებას მთავრობის სხვა წარმომადგენლებიც ესწრებოდნენ.

„მოხარული ვარ, რომ ბათუმში 12 ყოფილი მსოფლიო ჩემპიონი ქალბატონი იმყოფება, რომელთა შორის 4 ქართველია. მათგან კი ერთ-ერთი ჩვენი თანაქალაქელი ნინო ბაციაშვილია. მეამაყება, რომ სწორედ აჭარა მასპინძლობს შეჯიბრს, რომელიც ექვსგზის მსოფლიო ჩემპიონის ქალბატონი ნონა გაფრინდაშვილის 75 წლის იუბილეს ეძღვნება", - აღნიშნა არჩილ ხაბაძემ და წარმატებები უსურვა ტურნირის მონაწილეებს.

აჭარის მთავრობის თავმჯდომარემ ასევე ხაზი გაუსვა ჩემპიონატის მნიშვნელობას ბათუმის პოპულარიზაციის კუთხით და აღნიშნა, რომ დღევანდელი დღე კიდევ ერთი გზავნილია 2018 წლის მსოფლიო ახალგაზრდული საჭადრაკო ფორუმის, რომელიც ბათუმში უნდა გაიამრთოს.

„გრან პრის" გათამაშებასთან ერთად ტურნირი ასევე ატარებს „ნონას თასის" ტიტულსაც. საჭადრაკო თამაშები ხვალიდან დაიწყება და 3 მაისამდე გაგრძელდება. მსგავსი ფორმატის ტურნირების ჩატარება კიდევ უფრო უწყობს ხელს ბათუმის საჭადრაკო ქალაქად ჩამოყალიბებას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა

ნავროცკიმ ზელენსკის მიმართა „თეთრი არწივის“ სკანდალის ფონზე