რუსეთის საგარეო საქმეთა სამინისტროს პრესსპიკერის ალექსანდრ ლუკაშევიჩის განცხადებით, რუსეთთან ურთერთობის საკითხებში საქართველოს პრემიერ-მინისტრის სპეციალური წარმომადგენლის ზურაბ აბაშიძის და რუსეთის საგარეო საქმეთა მინისტრის მოადგილის გრიგორი კარასინის შეხვედრა  26 თებერვალს პრაღაში გაიმართება. 

ლუკაშევიჩის თქმით, ორ მხარეს შორის შეთანხმება 16 თებერვალს  სატელეფონო საუბრისას შედგა.

„16 თებერვალს სატელეფონო საუბრისას  გრიგორი კარასინი და ზურაბ აბაშიძეს  შორის მოხდა შეთანხმება, რომ თებერვლის ბოლოს ჩატარდებოდა მორიგი შეხვედრა პრაღაში, კონკრეტულად 26 თებერვალს. როგორც იცით, ამ რეგულარულ კონტაქტებს საკმაოდ ფართო დღის  წესრიგი აქვს და მასზე  განიხილება ყველა აქტუალური საკითხი.  ასეთი მიდგომა საშუალებას იძლევა ღიად განვიხილოთ სხვადასხვა თემები  და მივიდეთ რაიმე შეთანხმებამდე, რაც ჩვენს დიალოგს წინ წასწევს“,-განაცხადა ალექსანდრ ლუკაშევიჩმა.

შეგახსენებთ, რომ გრიგორი კარასინის და ზურაბ აბაშიძის პირველი შეხვედრა 2012 წლის დეკემბერს ჟენევის მოლაპარაკებების ფორმატში შედგა. 2013-2014 წლებში პრაღაში მხარეები 7-ჯერ შეხვდნენ, სადაც ორი ქვეყნის ეკონომიკური-კულტურული ურთიერთობის საკითხები განიხილეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან