საპარლამენტო უმრავლესობის წევრი ანი მიროტაძე  "მაუწყებლობის შესახებ" კანონში საფრთხეებს ვერ ხედავს.

ამის შესახებ მიროტაძემ ჟურნალისტებს განუცხადა.

დეპუტატმა "მაუწყებლის შესახებ" კანონში ცვლილებებს მესამე მოსმენით განხილვისას მხარი არ დაუჭირა.

"ვარ იმ ადამიანთა შორის, ვინც ამ კანონს მხარი დაუჭირა. მესამე  მოსმენის შემდეგ და მინდა გითხრათ, ვიდრე მხარს დავუჭერდი გავეცანი  სრულად ყველა იმ შენიშვნას, რომელიც ჰქონდათ მაუწყებლობის წარმომადგენლებს. ასევე ძალიან ძალიან ბევრი ვიმუშავე იმაზე, რომ მომხდარიყო ამ შენიშვნების გათვალისწინება. ვფიქრობ, უმეტესი ნაწილი გათვალისწინებულია და ამ კანონში საფრთხეებს ვერ ვხედავ",-განაცხადა ანი მიროტაძემ.

საწინააღმდეგო მოსაზრება აქვს საპარლამენტო უმცირესობას. პავლე კუბლაშვილის განცხადებით, "მაუწყებლობის შესახებ" კანონი მაუწყებლებს, ბიზნესს დააზარალებს და რეკლამის ფასსაც გააძვირებს.

"ამით დაზარალდება მაყურებელიც. "ქართული ოცნების" მიზანია დაზარალდეს "რუსთავი 2"",-განაცხადა პავლე კუბლაშვილმა.

ცნობისთვის, პარლამენტმა მესამე მოსმენით განიხილა და 65 ხმით, 33ი-ს წინააღმდეგ მიიღო კანონპროექტი „მაუწყებლობის შესახებ“ კანონში ცვლილების შეტანის თაობაზე“. პარლამენტის დარგობრივი ეკონომიკისა და ეკონომიკური პოლიტიკის კომიტეტის ინიციატივით, ახლებურად განისაზღვრა მთელი რიგი მუხლები, ახლებურად ჩამოყალიბდა ტერმინების - „კომერციული რეკლამა“ და „ტელეშოპინგი“ დეფინიციები. განისაზღვრა კომერციული რეკლამის მოცულობა კონკრეტულ შემთხვევებში. ტერმინთა განმარტებას ასევე დაემატა - პროგრამაში პროდუქტის (საქონლის/მომსახურების) განთავსება და შესაბამისი მუხლი აისახა კანონშიც. განისაზღვრა „სამაუწყებლო საათი“-ს განმარტება. დაზუსტდა სოციალური რეკლამა და ასევე ზოგიერთი სხვა დეფინიცია. განისაზღვრა სპონსორების შესახებ მითითების და სპონსორზე მითითების აკრძალვის რეგულაციები და კანონს ასევე დაემატა ჩამონათვალი იმ სახის პროგრამებისა, რომელთა სპონსორობაც იკრძალება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან