„ჩვენ შევძელებთ იმ ანტიდასავლური ნარატივის დაძლევას, რომელიც სწორედ გარკვეულწილად ცდილობს იმ ნიჰილიზმის დსამკვიდრებას, რაც კავშირში შეიძლება იყოს ევროატლანტიკურ მისწრაფებებთან“, - ასე გამოეხმაურა ევროპულ და ევროატლანტიკურ სტრუქტურებში სახელმწიფო მინისტრი დავით ბაქრაძე ეროვნულ-დემოკრატიული ინსტიტუტის კვლევის შედეგებს, რომლის თანახმადაც მოსახლეობის 77% ევროკავშირში გაწევრიანების მომხრეა, ხოლო 68% - ნატოში.

ამასთან მოსახლეობის 14% პროდასავლურ კურსს უპირობოდ უჭერს მხარს, ხოლო საზოგადოების 52% ასევე პროდასავლური კურსის მომხრეა, თუმცა ასევე მხარს უჭერს იმას, რომ საქართველომ რუსეთთანაც კარგი ურთიერთობა შეინარჩუნოს.

მინისტრის განცხადებით, საქართველოს უსაფრთხო და სტაბილური განვითარების საწყისი სწორედ ევროპულ არჩევანშია.

„ჩვენ ამ საკითხთან დაკავშირებით სისტემატურად ვახორციელებთ კვლევებს და შესაბამის ანალიზს. ეს ჩვენი აპარატის როგორც სტრატეგიულ კომუნიკაციაზე პასუხისმგებელი უწყების ერთ-ერთი მთავარი ფუნქციაა. შესაბამისად, ჩვენ იმ ტენდენციებს, რომელიც უკავშირდება მზარდ მხარდაჭერას, რაც ვფიქრობ განპირობებულია სახელმწიფოს მიერ რეფორმების შედეგად მიღწეული წარამეტებით.

ვფიქრობ, რომ აი ამ მიმართულებით აქტიური მუშაობით ჩვენ შევძლებთ იმ ანტიდასავლური ნარატივის დაძლევას, რომელიც სწორედ გარკვეულწილად ცდილობს იმ ნიჰილიზმის დამკვიდრებას, რაც შეიძლება კავშირში იყოს საქართველოს ევროატლანტიკურ მისწრაფებებთან და გარკვეული საფრთხის წარმოჩენას ამ გზიდან. სწორედ საქართველოს უსაფრთხო სტაბილური განვითარების საწყისი არის ჩვენს ევროპულ არჩევანში. ეს საქართველოს საზოგადოების დიდი უმრავლესობით არის მხარდაჭერილი და შესაბამისად ამ მიმართულებით ჩვენი მუშაობა გაგრძელდება და იქნება. დარწმუნებული ვარ, ისეთივე წარმატებული, რაც განაპირობებს საზოგადოების მზარდ მხარდაჭერას“, - განაცხადა ბაქრაძემ და დასძინა რომ ევროპული ინტეგრაცია არის ის პრიორიტეტი, რომელსაც საზოგადოების უმრაველოსბა უჭერს მხარს:

„ეს არის ის პრიორიტეტი, რომელშიც საქართველოს მთავრობა წარმატებულია და დარწმუნებული ვარ იმ შედეგით რომელსაც ზაფხულში ველით ეს კიდევ უფრო გამყარდება“, - აღნიშნა დავით ბაქრაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია