2016-04-05 11:03:47, 481 ნახვა
პოლიტიკა
მიხეილ გიორგაძე: საარჩევნო სიებში ჩემი გამოჩენა ნაკლებად სავარაუდოა
კულტურისა და ძეგლთა დაცვის მინისტრის მიხეილ გიორგაძის განმარტებით, ის არც ერთ პარტიაში არ არის და ამიტომ, "ქართული ოცნების" საარჩევნო სიაში მისი ხილვა ნაკლებად სავარაუდოა.
მიხეილ გიორგაძემ მედიასთან საარჩევნო კოდექსში შესატან ცვლილებაზეც ისაუბრა და აღნიშნა, რომ პრემიერი კოალიციის ლიდერია და საარჩევნო სიის პირველი ნომერი სწორედ ის უნდა იყოს.
"მე არც ერთი პარტიის წევრი არ ვარ და არასდროს არ ვყოფილვარ. შესაბამისად, ჩემი საარჩევნო სიებში გამოჩენა ნაკლებად სავარაუდოა. პრემიერი კოალიციის ლიდერია და ალბათ ლოგიკურია, რომ ის საარჩევნო სიის პირველი ნომერი იქნება", - განაცხადა მიხეილ გიორგაძემ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
