ჯგუფი GROOVESONIX-ის წევრები რობი უილიამსის ქართველი გულშემატკივრებისთვის საინტერესო ინფორმაციას ტვიტერის მიკრო-ბლოგში ავრცელებენ.

მათ მიერ გამოქვეყნებული ტვიტის თანახმად, რობი უილიამსის კონცერტი თბილისში 27 მაისს, დინამო-არენაზე გაიმართება.

"გატყობინებთ, რომ ჩვენ ვიქნებით რობი უილიამსის მუსიკალური მხარდაჭერები თბილისის კონცერტზე, რომელიც 27 მაისს, დინამო-არენაზე გაიმართება", - წერია ჯგუფის ტვიტერის გვერდზე.

42 წლის ბრიტანელმა შემსრულებელმა რობი უილიამსმა მუსილაური კარიერა ჯგუფ TAKE THAT-ში დაიწყო. 1990-1995 შემდეგ კი, 2009-2012 წლებში სწორედ ამ ჯგუფის წევრი იყო. მან თავდაპირველად ჯგუფი კოლექტივთან უთანხმოების გამო დატოვა. მისი პირველი სოლო ალბომის ყველა სინგლი მოხვდა ბრიტანული ჩარტის პირველ პოზიციაზე.

მსოფლიო მასშტაბით გაყიდულია რობის 75 მილიონზე მეტი ჩანაწერი, რისი მეშვეობითაც იგი ყველა დროის ერთ-ერთ ყველაზე გაყიდვად შემსრულებლად იქცა. 2006 წელს მან ტურნეს CLOSE ENCOUNTERS TOUR 1.6 მილიონი ბილეთი ერთ დღეში გაყიდა და ამით ის გინესის რეკორდსმენი გახდა.

რობი უილიამსი 17 Brit-ის, რვა გერმანული ECHO-ს და MTV ევროპის მუსიკალური 3 ჯილდოს მფლობელია. 2004 წელს ის ბრიტანეთის მუსიკის დიდების დარბაზში, როგორც "1990-იანების უდიდესი შემსრულებელი“ შეიყვანეს. ბრიტანეთის ხმისჩამწერი ინდუსტრიის თანახმად, ქვეყანაში რობის, როგორც სოლო შემსრულებელს, გაყიდული აქვს 20 მილიონამდე ალბომი და 6 მილიონამდე სინგლი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი