ავტოსაგზაო შემთხვევა რუსთავი-გარდაბნის გზაზე "ბე-ემ-ვეს" მარკის ავტომობილის მძღოლმა საჭე ვერ დაიმორჩილა, ხეს შეეჯახა, ორ ნაწილად გაიყო და ცეცხლი წაეკიდა. შემთხვევის დროს ავტომობილში 8 ახალგაზრდა იმყოფებოდა, საიდანაც 7 ადგილზევე დაიღუპა.

როგორც საინფორმაციო სააგენტო "ინფო რუსთავს" ცენტრალური საავადმყოფოს გადაუდებელი დახმარების ხელმძღვანელმა განუცხადა, პაციენტს სიცოცხლისთვის შეუთავსებელი ტრავმები აღენიშნება და მზადდება რეანიმაციულ განყოფილებაში გადასაყვანად.

"პაციენტი შემოყვანილია სასწრაფო დახმარების მიერ  უგონო მდგომარეობაში, ფასდება კრიტიკულად. აღენიშნება სიცოცხლისთვის შეუთავსებელი ტრავმები. თუმცა გრძელდება პროტოკოლით გათვალისწინებული მკურნალობა და დიაგნოსტირება. მზადდება რეანიმაციულ განყოფილებაში გადასაყვანად",- გვითხრა ალექსანდრე სისველაშვილმა.

საქართველოს შინაგან საქმეთა სამინისტრო აცხადებს, რომ ინციდენტზე გამოძიება სისხლის სამართლის კოდექსის 276-ე მუხლით დაიწყო, რაც საგზაო მოძრაობის უსაფრთხოების ან სატრანსპორტო საშუალების მართვის წესების დარღვევას გულისხმობს, რამაც სიცოცხლის მოსპობა გამოიწვია.

ავტორი: ექსპრესნიუსი,

სოციალური ქსელები

დიუშენის დაავადების მქონე ბავშვების მშობლები: „გადავარჩინოთ ჩვენი შვილები“

მდინარაძე: ტრადიციული ღირებულებები ქართული საზოგადოების მთავარი ორიენტირია

ცოტნე ივანიშვილი აცხადებს, რომ ძალადობას გმობს, თუმცა არ არის იმ პოზიციაში, რომ რაიმე ქმედითი გააკეთოს

საია: საქართველო 17 მაისს ლგბტქი უფლებებთან დაკავშირებული მწვავე დისკუსიებისა და კრიტიკის ფონზე ხვდება