2026 წლის იანვარ-თებერვალში, ჯარიმებიდან და საჯარიმო სანქციებიდან მიღებული ბიუჯეტის შემოსავლები წინა წელთან შედარებით 43,996 მილიონი ლარით გაიზარდა, ხოლო მხოლოდ საგზაო მოძრაობის წესების დარღვევისთვის გამოწერილი ჯარიმები 24,187 მილიონი ლარით გაიზარდა.

საქართველოს კონსოლიდირებული ბიუჯეტის შემოსავლების მონაცემებით, მიმდინარე წლის პირველი ორი თვის განმავლობაში ჯარიმებიდან და საჯარიმო სანქციებიდან მიღებული შემოსავლები 87,501,855 ლარს შეადგენდა, 2025 წლის იანვარ-თებერვალში ეს მაჩვენებელი 43,505,531 ლარს შეადგენდა.

ჯარიმებიდან ბიუჯეტში გადახდილი თანხა 101%-ით გაიზარდა.

2026 წლის პირველი ორი თვის განმავლობაში მიღებული 87,501 მილიონი ლარიდან 71,835 მილიონ ლარზე მეტი ადმინისტრაციული სამართალდარღვევებისთვის დაკისრებული ჯარიმებიდან მოდიოდა. შედარებისთვის, გასული წლის ანალოგიურ პერიოდში ბიუჯეტმა ამ მუხლიდან 36,20 მილიონი ლარი მიიღო.

გარდა ამისა, საგზაო მოძრაობის წესების დარღვევისთვის დაკისრებული ჯარიმებიდან მიღებული ბიუჯეტის შემოსავლებიც გაიზარდა. კერძოდ, ფინანსთა სამინისტროს მონაცემებით, მიმდინარე წლის იანვარ-თებერვალში საგზაო მოძრაობის წესების დარღვევისთვის ჯარიმებიდან ხაზინამ 48,972,300 ლარი მიიღო, 2025 წლის ანალოგიურ პერიოდში კი ეს მაჩვენებელი 24,784,839 ლარი იყო.

ავტორი: ექსპრესნიუსი,

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი