საპარლამენტო უმცირესობის წევრის ნუგზარ წიკლაურის შეფასებით, საქართველოს საგარეო საქმეთა სამინისტროში უკრაინის ელჩის ვასილ ციბენკოს დაბარებით, ხელისუფლება უკრაინა–საქართველოს დიდხნიან ურთიერთობას საფრთხის ქვეშ აყენებს. 

წიკლაურმა ამის შესახებ პარლამენტის პლენარულ სხდომაზე განაცხადა, სადაც საქართველო–უკრაინის ურთიერთობას განიხილავდნენ. 

„მებრძოლი უკრაინის ელჩს საგარეო საქმეთა სამინისტროში იბარებენ და მას რაღაც ახსნა–განმარტებებს სთხოვენ.  ამით ისინი უკრაინისა და საქართველოს ძალიან დიდ ხნიან ურთიერთობას საფრთხის ქვეშ აყენებენ. ძალიან მაინტერესებს, პირდაპირ უკრაინას რომ მივარდით, რატომ არ განუცხადეთ პროტესტი სხვა ქვეყნებს?!  აშშ–მ თქვა, რომ აქ არის პოლიტიკური დევნა, უკრაინა მართლა დაბალი ღობეა?!“, – აღნიშნა წიკლაურმა. 

დეპუტატმა სხდომაზე საქართველოში მოქმედ და ყოფილ მაღალჩინოსნებს შორის პარალელი გაავლო და უწყების ამჟამინდელ ხელმძღვანელებს უნიათოები უწოდა. 

„უნიათოები, რომ ვინმეს სადმე უნდოდეს, მაგალითად ალექსანდრე ჭიკაიძე რომელიმე ქვეყანაში ახლა უკვე მინისტრად იქნებოდა დანიშნული. ან ხელიდან გამოგვტაცებდნენ პაატა ზაქარეიშვის, თუნდაც ნოდარ ხადურს“, – განაცხადა ნუგზარ წიკლაურმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან