დაუდგენელმა ეჭვმიტანილებმა კანადის ქალაქ ტორონტოში აშშ-ის საკონსულოს მიმართულებით რამდენჯერმე გაისროლეს, რასაც ოფიციალური პირები „ეროვნული უსაფრთხოების ინციდენტს“ უწოდებენ. ინფორმაციას BBC ავრცელებს.

მედიის ცნობით, სროლა სამშაბათს დილით, ადგილობრივი დროით დაახლოებით 04:30 საათზე მოხდა. ტორონტოს პოლიციის უფროსის მოადგილემ, ფრენკ ბარედოს თქმით, „ოფიცრებმა ადგილზე ჭურვები და შენობის დაზიანება აღმოაჩინეს”. როგორც ბარედომ ჟურნალისტებს განუცხადა, თეთრი Honda CR-V დილით ადრე აშშ-ის საკონსულოს მიუახლოვდა, ორი ეჭვმიტანილი მამაკაცი მანქანიდან გადმოვიდა და შენობას ესროლა. პოლიციის უფროსის მოადგილის თქმით, მოგვიანებით, ისინი მანქანაში დაბრუნდნენ და გაიქცნენ. შენობაში მყოფი პირები არ დაშავებულან.

BBC-ის ინფორმაციით, აშშ-ის სახელმწიფო დეპარტამენტმა განაცხადა, რომ ინფორმირებულია ინციდენტის შესახებ და ყურადღებით აკვირდება სიტუაციას ადგილობრივ სამართალდამცავებთან კოორდინაციით.

როგორც მედია იუწყება, 28 თებერვალს, ირანის წინააღმდეგ აშშ-ისრაელის ოპერაციის დაწყების შემდეგ, ტორონტოში რამდენიმე შენობას ესროლეს, მათ შორის ებრაულ სინაგოგებს. ბიბისის ინფორმაციით, გასულ ორშაბათს ტყვიები ესროლეს ტორონტოში ირანის მთავრობის ირანელ-კანადელი კრიტიკოსის საკუთრებაში არსებულ კრივის დარბაზსაც. არც ერთი ინციდენტის დროს არავინ დაშავებულა.

ავტორი: ექსპრესნიუსი,

სოციალური ქსელები

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან

ოთხშაბათს და პარასკევს ივანიშვილის რეზიდენციასთან მოვაწყობთ ერთკაციან აქციებს - მშობლები