აჭარის ფინანსთა და ეკონომიკის მინისტრი დავით ბალაძე  „საერთაშორისო გამჭვირვალობა- საქართველო“- ს ბათუმის ფილიალის მიერ, მშენებლობებისა და საინვესტიციო პროექტების შეფერხებასთან დაკავშირებით, დღეს გამოქვეყნებულ  ანგარიშს გამოეხმაურა.

მინისტრი ყველა ორგანიზაციას მოუწოდებს მსგავსი შეფასებების გაკეთებისას გამოიჩინოს სიზუსტე და სიფრთხილე, რადგან მცდარი ინფორმაციის გავრცელება ცუდად მოქმედებს როგორც ბიზნეს გარემოზე,  ასევე ინვესტორზე, რომელსაც სურვილი აქვს რეგიონში საქმე წამოიწყოს.

 „აჭარაში მშენებლობებისა და საინვესტიციო პროექტების თითქოს შეფერხებასთან დაკავშირებით, მინდა გითხრათ, რომ ინვესტიციები იზრდება, კერძოდ, 2014 წლის ინვესტიცია 276,5 მლნ აშშ დოლარია და 2013 წელთან შედარებით 42 % -ით არის გაზრდილი. რაც შეეხება გაფორმებულ ხელშეკრულებებს, რომელშიც  ბრენდები არ წერია. ხელშეკრულებები უკვე გაფორმებული დაგვხვდა და არსად არ იყო ბრენდი გაწერილი. რაც შეეხება სასტუმრო „ჰოლიდეი ინს“, არაერთხელ განვაცხადეთ, რომ პროექტი არ გაჩერებულა, იცვლება ბრენდი. უფრო მეტიც, შემოვა უფრო მაღალი დონის ოპერატორი „ქრაუნ პლაზა“. პროექტში ცვლილების განხორციელება კულტურული მემკვიდრეობისა და ქალაქის მერიის თანხმობით მოხდა. უახლოეს პერიოდში დაიწყება პროექტში ცვლილება. მოგეხსენებათ სასტუმრო „პრინცესა, ქალაქის ცენტრში მდებარეობს. ჩვენი თხოვნა იყო რაღაც პერიოდის განმავლობაში შეეჩერებინათ სამუშაოები, რათა მიმდინარე ღონისძიებებისთვის ხელი არ შეეშალათ. სავსებით ლოგიკურია ,რომ ცოტაოდენი შეფერხება და  ვადების გაგრძელება მოხდება. ყველას კარგად გვახსოვს მიხეილ სააკაშვილის პოპულისტური გამოსვლები და განცხადებები „ტრამპ თაუერთან“ დაკავშირებით. თუმცა დღემდე არსად არ არსებობს პროექტიც კი. მიწის ნაკვეთზე სადაც ტრამპ ტაუერის მშენებლობა დააანონსეს, იმ დროინდელმა ხელმძღვანელობამ უპირობოდ გაყიდა და ხედავთ რა მდგომარეობაშია დღეს ეს მიწა. მინდა მოვუწოდო იმ ადამიანებს ,რომლებიც აცხადებენ, რომ თითქოს ინვესტიციები ფერხდება, მეტი სიფრთხილით მოეკიდონ მსგავს შეფასებებს, რადგან უნდა გვესმოდეს, რომ ეს აშინებთ ინვესტორებს და ამ ყველაფერმა შეიძლება ნეგატიურად იმოქმედოს ინვესტიციებზე“, - განაცხადა დავით ბალაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი