უკრაინის პრეზიდენტი ვოლოდიმირ ზელენსკი Telegram-ზე პოსტს აქვეყნებს და რუსეთის პრეზიდენტ ვლადიმერ პუტინისთვის "დათმობის" კონტექსტში, საქართველოსაც ახსენებს.

"

აგრესორისთვის რაღაცის დათმობა დიდი შეცდომაა. ეს დიდი შეცდომა იყო თავიდანვე, ჯერ კიდევ 2014 წლიდან. და უფრო ადრეც - საქართველოში შეჭრისა და მისი ნაწილების ოკუპაციის დროს. და კიდევ უფრო ადრე - ჩეჩნეთის ოკუპაციისას, როცა ყველაფერი განადგურდა და მილიონი ადამიანი გახდა მსხვერპლი - მოკლული და დაჭრილი.

ბევრი შეცდომა იყო დაშვებული. სწორედ ამიტომ ახლა არ მინდა ვიყო ის პრეზიდენტი, რომელიც გაიმეორებს თავისი წინამორბედების ან სხვა ადამიანების შეცდომებს. და საქმე მხოლოდ უკრაინას არ ეხება. მე ვსაუბრობ სხვადასხვა ქვეყნის ლიდერებზე, რომლებმაც ისეთ აგრესიულ ქვეყანას, როგორიც რუსეთია, მისცეს საშუალება, შესულიყო მათ ტერიტორიაზე.

პუტინის შეჩერება კოცნითა თუ ყვავილებით შეუძლებელია. მე ეს არასდროს გამიკეთებია და ამიტომაც არ მიმაჩნია სწორად. ჩემი რჩევა ყველას: ნუ მოიქცევით ასე პუტინთან.

ყველას მიმართ ჩემი რჩევაა: პუტინთან ამას ნუ იზამთ. წინააღმდეგ შემთხვევაში ეს იქნება პირველი ნაბიჯი და შემდეგ, ხუთ წელიწადში, ის თავის არმიას აღადგენს, სამხედროების რაოდენობას გაზრდის და მისი ჯარი კარგად მომზადებული იქნება, რადგან მან ბევრი მომზადებული ადამიანი დაკარგა. ახლა ის თვეში 30–35 ათას ადამიანს კარგავს.

21-ე საუკუნეში ამის წარმოდგენა შეგიძლიათ? წარმოგიდგენიათ, რომ ის ყოველთვიურად 35 000-ს კარგავს? არ ვარ დარწმუნებული, რომ მან ეს იცის.", - წერს ის. 

ავტორი: ექსპრესნიუსი,

სოციალური ქსელები

ირმა ინაშვილი - დავაკავეთ დამნაშავე პოლიციელებიო, სიამაყით რომ წერთ, 4 წლის მანძილზე ამ სადისტებმა კიდევ რამდენი დაკავებული აწამეს

მოსკოვმა ბენზინის გაყიდვებზე შეზღუდვები დააწესა

მივმართავთ ადამიანებს, ვისაც აქვთ სისტემური წამების კადრები, გაასაჯაროვეთ – ალიანსი

ხორგუანი: მივმართავ თავდაცვის და უსაფრთხოების კომიტეტს, სასწრაფოდ მოიწვიონ კომიტეტის სხდომა