ევროპარლამენტში, საგარეო საქმეთა კომიტეტის სხდომაზე, ევროდეპუტატებმა ევროკავშირის გაფართოების ახალი სტრატეგია დაამტკიცეს. დოკუმენტს კენჭი რამდენიმე დღეში ევროპარლამენტის პლენარულ სხდომაზე ეყრება.

აღსანიშნავია, რომ ქვეყნების შორის, ვინც 2030-ში გაფართოების  ნაწილი გახდება, საქართველო ნახსენები არ არის. დოკუმენტში პირდაპირ წერია, რომ გაფართოების ტალღაში დასავლეთ ბალკანეთის ქვეყნები, უკრაინა და მოლდოვა მოხვდება. 

რაც შეეხება დაფინანსების ნაწილს, დოკუმენტში ხაზგასმულია, რომ კანდიდატის სტატუსის მქონე და იმ ქვეყნებმა, რომლებმაც უკვე გახსნეს გაწევრიანებაზე მოლაპარაკაბები, უნდა მიიღონ დამატებითი ფინანსური დახმარება. 

კიდევ ერთხელ ადასტურებს, რომ გაფართოება ორმხრივად მომგებიანია როგორც ამჟამინდელი, ასევე მომავალი წევრი სახელმწიფოებისთვის. ხაზს უსვამს ევროკავშირის გაფართოების პროცესისადმი ერთგულების დემონსტრირების პოლიტიკურ აუცილებლობას. ამტკიცებს, რომ ევროკავშირის გაფართოება გააძლიერებს ევროპულ უსაფრთხოებას. კიდევ ერთხელ ხაზს უსვამს, რომ დასავლეთ ბალკანეთის, უკრაინისა და მოლდოვას მომავალი ევროკავშირის ფარგლებშია.

მიაჩნია, რომ გაწევრიანების წინა ფინანსურ დახმარებას, მათ შორის დასავლეთ ბალკანეთის, უკრაინისა და მოლდოვას რესურსებს, გადამწყვეტი მნიშვნელობა აქვს იმის უზრუნველსაყოფად, რომ გაფართოების ქვეყნები მიიღებენ სტრუქტურირებულ ფინანსურ მხარდაჭერას ინსტიტუციური და ეკონომიკური ტრანსფორმაციისთვის; ხაზს უსვამს, რომ ევროკავშირის ყველა ფინანსური დახმარება უნდა აკმაყოფილებდეს და ინარჩუნებდეს გაწევრიანებისწინა დახმარების პირობითობას, მათ შორის კანონის უზენაესობას, რათა დაცული იყოს ევროკავშირისა და ორივე მხარის მოქალაქეების ფინანსური ინტერესები, - ნათქვამია დოკუმენტში. 

ავტორი: ექსპრესნიუსი,

სოციალური ქსელები

ბრიტანეთმა რუსული „ჩრდილოვანი ფლოტის“ ტანკერი დააკავა

დრონის დარტყმები რუსეთში: ხანძარი ტულის რეგიონში მდებარე „აზოტის“ ქარხანაში

ტრამპის ადმინისტრაციამ 20 მდე მიგრანტი ცენტრალური აფრიკის რესპუბლიკაში გადაასახლა, მათ შორის არიან ქართველებიც

ტრამპი ირანთან შეთანხმების მიღწევას დაჰპირდა, თუმცა თეირანი რაიმე შეთანხმებას უარყოფს