უკრაინის დელეგაცია აშშ-ში ვიზიტისთვის ემზადება, სადაც სამშვიდობო გეგმაზე მოლაპარაკებები გაიმართება. ამის შესახებ, უკრაინის პრეზიდენტმა ვოლოდიმერ ზელენსკიმ განაცხადა.

"ჩვენ ვამზადებთ შეხვედრებს შტატებში. მას შემდეგ რაც ამერიკული გუნდი მოსკოვიდან დაბრუნდება და ვაშინგტონში შესაბამისი კონსულტაციები გაიმართება - რუსტემ უმეროვი, ანდრიი გნატოვი და ყველა, ვინც მოლაპარაკებებისთვის არის საჭირო, გააგრძელებენ საუბარს დონალდ ტრამპის წარმომადგენლებთან. 

მომდევნო დღეებში ველოდებით სიახლეებს ასეთ შეხვედრებთან, კონტაქტებთან, მოლაპარაკებებთან დაკავშირებით.

ახლა ყველაფერი საკმაოდ ეფექტურად მიმდინარეობს – ჟენევასა და ფლორიდაში გამართულ შეხვედრებზე უკრაინას მოუსმინეს და ეს ძალიან მნიშვნელოვანია. ჩვენ ველით, რომ ასეც გაგრძელდება. ღირსეული მშვიდობა შესაძლებელია მხოლოდ უკრაინის ინტერესების გათვალისწინებით.

ახლა მსოფლიო ნამდვილად გრძნობს, რომ არსებობს ომის დასრულების შესაძლებლობა და აუცილებელია არსებული აქტივობის გაძლიერება მოლაპარაკებებში რუსეთზე ზეწოლით. ყველაფერი დამოკიდებულია სწორედ ამ კომბინაციაზე – კონსტრუქციული დიპლომატია პლუს ზეწოლა აგრესორზე. ორივე კომპონენტი მუშაობს მშვიდობისთვის." - ვოლოდიმირ ზელენსკი.

ავტორი: ექსპრესნიუსი,

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი